我發現我升左f.2成個月,無邊日特別開心,但就差唔多日日唔開心~

尋日,真係好q尷尬....我好耐之前係qooza寫左話我鍾意左個男仔...估唔到而家被人提起....種傳到好勁~

但唔該...我唔明點解傳埋去梁xx身上....但我寫個個都唔係去...後來賴賴先同我講係佢傳出去....

但已經傳到好勁,封xx一到2e...佢就跟埋呢....封xx種同成日要我同佢對質....

真係好q尷尬囉~我有d想奪門而去的feel...

最慘係尋日...梁xx同佢一個女仔friend係到玩...個女仔拎起一張椅子扮要擲佢...緊係唔係真係擲佢...梁xx大叫"邊個可以救我啊"(差唔多啦)

跟住封xx應左一句"叫蔡xx(me)打救你囉"個刻真係唔知可以應咩...我唯有擰轉塊面...扮唔知佢講咩~

講真,如果我真係like佢,我唔怕認左佢...但根本唔係....我淨係覺得超難堪....

我真係好驚如果有一日(重伸一次.係如果)我同我like的男仔表白,佢認我一句"咩你唔係鍾意梁xx的咩"如果真咁,我會唔知點認佢囉~

今日同賴賴傾左一陣...個心開心左d囉....

最後一句,文靜妹...開心d啦~^^

但講真....我最近真係超黑仔....舉幾個事例:

1.THU上I.S堂點火柴竟然逆風燒�p左我指甲小小~

2.唱K前一晚喉嚨痛...不斷咳...大聲D都唔得,把聲勁沙..個晚食左勁多喉糖同飲蜜糖水先好D...唔係我多數都唔去唱K架啦....

3.呢幾日一踏車就想嘔...有時打噴嚏....好彩冇事....我呢牌成日听2C出事....以前我成日同佢地玩....希望佢地冇野啦~

4.最慘的係我係THU的I.S堂防火演襲....MISS黃限我地2min由laboratory到地下...再要2分30秒上返laboratory...點知我地超時...要重頭來過...

今次d人博曬老命跑落去...me too....根住我係教員室A房個條到操場的短樓梯....大概4,5級到仆左落操場地下...

個陣我博曬,冇睇清楚...以為自己過到...點知......更可怕的係...個時碌左幾碌...條dress掀到上腰(好彩有打底)..但有幾個男的都係後面...我種听到佢地話"使唔使咁博啊!"

唔係我想唔博架...我好想咁講~

但我的膝蓋就慘啦~個時就冇野...求其包紮下午,但返到屋企一睇,先得人驚...成個傷口位腫曬...冇流血..但查藥超拿...尋日種流膿...好嘔...個傷口位冇左塊皮...淨係見到d肉...紅色的...連我自己都唔想望~

依家日日包紮住個膝蓋周圍走.....好樣衰~

 最後"文靜妹生日快樂!!!今日去唱k....都幾開心..有我,骨田,招,賴賴and文靜妹~"

感想係neway真係好乞人憎...早知去加州紅啦~

呢排好唔開心...好灰啊~

尋日座位表好慘啊!我同牙招一個左上角,一個右下角....好遠啊~連最近的骨田and曉晴都係我後面再後面的隔離行個兩個位~

我坐靠窗個個單行,雖然話就話可以睇風景,但我都唔高...坐低都睇唔到咩野~

我種要俾班男的包抄,我無隔離啦~但我隔離行個兩個同再隔離行個兩個都係男的,而佢地後面個d都係男的...我後面also係男的....再後面雖然係個女的...但我同佢都唔熟~

全班都跟梁嘉慧意思男女分開,得我一個例外囉!頂佢....d男都唔係我熟個幾個~

今日本來有好多野想做架,但就因為一個颱風而停課....咩計劃都冇曬啦~屈係屋企都唔知可以做咩....

我而家超矮....起碼矮過其他人...今年學校量我重左1kg..但矮左0.5cm....好慘啊~我以前f.1坐第3行(打橫數),但而家坐第1行...

P.E我都排第一,超樣衰....D friend個個 係後面,得我伶伶丁丁一個企前面....

依家我d friend個個都高過我...得我一個由小學6年級個身高到依家都冇變過~明明我已經盡量日日都 跳繩300下(一個week起碼5日)...但都冇用~

有冇人有咩好辦法可以增高啊~我唔想一生都咁q矮~

同情我的人就留返個cm啦~thx"