今日係陸運會...我做計時員..上年都有做!

有時唔記得按開始...好彩有其他人計!

我同裕華係計第二名...坐係最後果度!前面果d計第幾線!我都算係後備!

完全冇人問我同裕華幾多秒(因為前面有人計)...忽略左我地!哈哈~

我地兩個自己計完就取中位數!跟住就冇啦!

我仲自己嗌個秒數出黎!不過冇人理我!(我都預左..只係玩下野姐)!

我地做後備...兩個係度玩!都好既..唔洗驚按錯!

我地係上面不斷傾計...成日都笑爆肚!

之後800m同1500m要落去捉人...我捉第五名!

點知有次亂左...按停左!只好睇牛屎果個秒錶(佢係捉第六)!

但係我地捉果兩個差唔多同時衝線..我又唔記得我果個係邊個!佢又唔記得!

我地就諗住是但要一個(我地知果兩個人係第五同六...但係唔知邊個快d)!哈哈

好彩miss認同邊個快d姐!

佢地有d要去比賽...我就代佢地計...唔係後備啦!好多人重視我!哈哈哈...

我地係度玩秒錶...一二三開始按...一二三就停!

最神奇既係我同棗欣都係按到4秒16...416我地兩個既生日!

之後個個都一齊按自己既生日...一齊玩!按到就影相!

我同棗欣成日都按到...我地按得最多次!Yeah!!

miss王竟然知道我個名...佢都冇教過我!

佢話我出名..所以識我!我話想佢教數學!

佢就話我數學係頭果幾名...唔好去core讀!(佢教core)

跟住佢地成班就係度講..「係呀!佢數學好勁嫁!」「佢好叻嫁!」「佢真係好勁嫁!」...仲有好多好多!

佢地突然抬到我咁高...我都唔知俾咩反應好!

今日影左好多幅相!係巴士都不斷影!