今日係白色情人節...我都係冇幾耐之前先知情人節同白色情人節有咩分別~

當我好努力咁做緊功課果陣...突然有人弄我個裙袋..好怕喎~邊個呀!

一望..係廢柴!佢塞緊粒朱古力入我個裙袋!多謝哂!嘻嘻

lunch玩得幾開心...唔錯唔錯~

最尾兩堂係化學...我地要做SBA實驗..

落堂前5分鐘...冇啦啦有老師開咪宣佈!

「請所有同學停止而加手上做緊既野...立即收拾書包...到操場排隊」

發生咩事呀!冇可能係火災...因為個火警鐘冇響~

落到去...老師宣佈有人打電話黎學校...話我地學校有炸彈!炸彈!!!!!!!!!!好驚呀~~

我地化學果班冇拎書包...因為miss話唔洗拎!

點知要我地立刻拎書包走人...由地下跑上六樓...再落返地下!累....

之後就放學...我地行返屋企...

我聽到有警車既聲...我就估應該係去我地學校!

真係呀!果兩部警車轉左入去學校條路!

炸彈!!!!炸彈!!!!聽日都要返學喎!

剛剛上facebook...差唔多有20個人講學校有炸彈!真誇張..咁多人講!