英文reading有一篇係關於之前laughing gor既film...

我冇睇到...就連果套電視劇都冇睇...蝕左!

英文writing作得勁慢...寫下停下諗下!

2篇加埋作左600幾字....用左1個半鐘....

姐係9個字就作左300幾字啦!

中文作9個字...已經作左一千幾字....速度係英文既3倍多!距離真大...

雖然考試只係過左一個星期....不過今日返到屋企hea左一陣..就光明正大咁訓教!哈哈...爽

考數學....長問答要做2個鐘...之前幾年都係1個鐘咋!MC都係1個鐘....

我一直都覺得老師出卷出得好簡單....今次份卷都係!

不過都有1-2題會考題....唔錯唔錯!都唔係好難...

考之前...胡芷汶特意走過黎同我握手...傳d運俾佢!哈哈

佢地仲叫我俾d靈氣佢地....笑死!haha

第一次返學遲到...

我返左咁多年學...不論幼稚園,小學定而加中學都未試過....人生第一次!

down左.....算啦...睇開d!一生人咩都要試下...包括返學遲到!哈哈

地理同物理都係禮堂考...返到去見到好多熟人...

不過佢地個個都係考地理.....我係考物理嫁!

物理有4本書考...有一本仲勁厚!不過我沉日不斷咁飛...只係溫公式!

份卷前面勁勁勁易...我仲諗點解咁簡單....原來好戲在後頭!haha

之後lunch返去考M2...冇咩點溫!

考完同盧舒婷去影印...我一路教佢數...

果間野個老闆娘...望住我講....你數學一定好勁!(依個唔係問題...係答案)

之後同區靖怡去左自修室...聽日考數學...我教佢....

第一次去自修室...

考中文既閱讀同寫作....

閱讀都ok...做完仲有時間....

寫作有成一個半鐘做....我做左9個字咋!仲有9個字....悶!

只係做左一半時間....加上係慢慢做...慢慢寫!

但係都作左千幾字...不少於600字...我作多左幾百....

不過多好過少呀...又唔係冇時間...

諗起沉日考通識....寫足2個鐘...仲要係寫得勁快...勁潦!

都唔知寫左幾多千字呀!

今朝返學考英文既group discussion....

第五組先考...不過考一組都唔係好耐姐...唔計預備時間..要15分鐘....

本身係8分鐘...不過而加我地有一part係individual response!

姐係討論完之後...老師就逐個同學問問題...條條都唔同...

我地冇得預備...一聽完問題就要答1分鐘...我最驚依個!

考我果組係何穎文...本來好驚嫁!上年係個外籍老師考我...幾好!

不過到我考果陣..都ok啦..唔驚!佢都有d微笑...唔錯!

之後返左屋企休息....休息...同休息.....

跟住lunch又要再返去考通識....

今年係中五..係禮堂考....

之前中三係禮堂考...因為我係A班...坐最左果行...左邊冇人....

而加係D班(唔係跟成績)...係中間過d...個位好前呀!之後坐好後...尾幾嫁!

考一個通識有成4份卷....傻嫁!

每一張紙都要寫名...因為每題都唔同老師改..都好既..公平d!

寫姓名,班別,學號,組別....張張寫....寫左21次呀!寫到傻...不過而加先開始咋!

做2個鐘....寫足2個鐘!我第一粒字寫得靚...其他就打哂風...落大雨...行雷tim!

講真..我係老師都唔想睇呀!不過唔咁寫會做唔哂嫁!

我做完都有3分鐘...好勁嫁啦!仲有時間喎!隻手指寫到勁痛..痛..痛..