今年上PE堂又係我地自己一班上(男女分開上)....good!!

而加係打網球...都試過打好多次啦...玩下果種..

我地有3組...1組係同miss對打...其餘2組係對牆打...

我係對牆打...打左一次之後...miss冇啦啦叫我過去佢果邊...

我就同佢地果組企左一齊...佢地排緊隊同miss打...

我諗住一齊排嫁...不過我一過到去..miss就叫我打...

我開左波之後就走...點知miss又打返過黎...

咁我就同miss對打左幾球啦!

數學堂笑左成堂...好好好開心...

阿sir係黑板做數...寫寫下就話...唔岩嫁!

但係我已經抄左...而加我醒左...佢寫哂我先抄...呵呵

中文堂又係戲劇啦...幾好玩呀!

我地有d人係天使...有d係魔鬼....我當然係天使啦!!哈哈...

一個一個講...到我啦!!講到一半...成班就係度woo...係度歡呼....

佢地好大聲呀!我講唔到呀....只好大大大大聲講啦!

相信各位同學都聽到....唔好諗錯野啦!ha..

調左位啦...坐係最後既最右...角位...未試過...

又同rita坐啦...中二同佢坐最前...而加中五坐最後...

上年物理同佢坐...通識上年同今年...各有半年又同佢坐...

而加化學又同佢坐...加加埋埋有最少3年半同佢坐...

而加依個位都幾好呀...不過並未係最想既位...唔緊要啦...

得中文同宗教係課室上咋....成日都要走堂...走走走!

開始測驗周啦....測驗冇得早放學...仲要遲左tim~

放學係門口見到景瑩同瑋婷....

左一個瑋婷..右一個景瑩....夾佢地返屋企..佢地今晚訓廁所...哈哈...

我對佢地算好啦...佢地話我去佢地屋企...廁所都冇得訓呀...嗚嗚~

今朝6點幾就起左身...返學校...

之後去賣旗...仲要出旺角...好遠呀!

去就有旅遊巴...走就自己搭車...過得唔錯..哈..

跟住返屋企...食完野就躺左係度睇電視...

不過好眼訓呀..訓著左...訓左幾個字又要返教會..累...

凱瑩既婆婆同我住係同一幢...佢要搬走(被逼)...

咁凱瑩咪少左黎既機會...不過佢都可以黎探我..歡迎!!

同佢傾電話傾左半個鐘...冇食野..不過都係值得嫁!!!

之前上英文堂做listening...派返啦!

listening唔係只係聽....後面仲有一d task要做....

要睇住date file做....寫好多野...今次係寫report!

miss派左一個task俾我地...我竟然最高分...拎24/25...英文喎....

真係估唔到自己咁高分...差一分咋....哈哈...

交左通識IES既計劃書啦....會影響中六考既HKDSE...

瑋婷請我食珍寶珠...多謝哂...好中意食..ha..