之前去TVB睇人錄影...做觀眾!!

<<東華競歌SuperShow>>沉日播~

我上左電視呀!!可惜我冇睇到~

搵日睇返先!!

依幾日都好夜先訓...4點幾都有~

今晚都會勁夜訓!!玩玩玩~

一年一次既大掃除!!

又要執屋啦~

夜晚去食團年飯(自助餐)!!好野~

我發現原來我有好多好多公仔嫁!!

放假lu~好野好野!!

上左Rita屋企~

佢屋企有個bb係度(係幫人睇住)!!

我同牛屎特登上去佢屋企同阿b玩~

阿b好得意呀!!

佢得8個月大咋~未識行路!!

我好耐未試過同d咁細個既bb玩啦!!

阿b真係好乖呀~!!

佢唔會喊~會同我地玩~

唔會怕陌生!!肯俾我地抱!!

好中意d咁得意既bb...仲要係好乖tim~!!

聽日開始放假啦!!好野~

不過有好多功課~

假期功課由上個星期五開始俾~

手冊爆哂格!!寫足四日既功課欄!!

有20幾樣功課呀!!做死人咩~

不過而加最重要既唔係做功課~

而係要做遠足二級既log book!!

星期日要交~要努力做先得!!

而加係學校...成日都見到d人玩扭計骰~

我覺得佢地好勁...識扭!!

我都想扭下...不過屋企個扭計骰唔知去左邊~

我一定要學識扭~!!

出左第一份糧啦!!哈

係上個月既~

上個月31號開始返工!!

所以上個月返左一日咋!!有百幾蚊~

不過計少左我20幾蚊!!

足足可以買一個麥當勞餐!!

睇下可唔可以拎返果20幾蚊先~

想當年...我小學都仲未有零用錢!!

阿媽同細哥就每日俾$1我~

我入左落豬仔錢罌度!!

不過後來阿哥佢地返學冇散子搭車~

所以我就俾哂d錢佢地!!

錢並唔係問題!!

問題係個豬仔錢罌係用膠做既...又冇開口!!

一定要用刀切先至可以拎到入面d錢~

我個豬仔錢罌就咁就冇左啦!!

我真好想要返個豬仔錢罌!!

唔係話要同之前果個一模一樣~

只係想要個用膠做既...而又冇開口!!

不過而加好難搵到嫁啦!!唉

希望有啦~!!