上數學堂...阿sir同我地吹左一陣水~

佢話佢出既卷係勁勁勁難!!

110分滿分...20分就已經合格~

不過佢之前教果d學生大部分都唔合格!!

我地聽到之後...呆左!!

我地m2要考2份卷!!

1份係普通數學卷...全級做同一份~冇問題啦!!

另外1份就係m2...係勁難既卷!!

m2既成績會打係成績表...不過唔會計落平均分~

因為阿sir話廢是我地既平均分會俾m2既分拉低哂!!

咁姐係佢已經預左我地m2既成績唔會好得去邊啦~

雖然唔計落平均分...但係會打係成績表喎!!

低分既話...會好樣衰嫁!!好驚tim~

阿sir話唔想讀既話可以去返普通數學果班~

之後我就問:「係咪唔想讀既話...而加可以走嫁啦?」

阿sir話係...佢知我係講緊笑~

當然我唔係真係想走啦!!

今日阿sir開始教m2(之前教基本數)~

我地差唔多全班都冇帶m2書(阿sir冇叫帶)~

阿sir俾左幾題數我地做(根式有理化)!!

依d數之前學左啦!!

我地做完之後...佢就話第1章教完啦!!

咁就教完第1章!!全班呆哂!!

天氣開始轉涼啦!!

今日竟然得24度...所以冇開冷氣~

(25度或以上先可以開)

今日凍左好多...攪到我打左好多個乞嚏!!

有d人真係好奸~

令人完全唔知佢心裡面係諗緊d咩!!

點解依世界唔可以簡單d呢?!

點解人要咁複雜呢?!

簡單d咪好囉~!!

今日勁恐怖呀!!

放學之後我諗住落去二樓...放書入locker~

當我落到二樓果陣...係圖書館出面果個平台~

突然有個水樽從天而降...勁大聲[砰]一聲...嚇死我!!

我同個水樽距離唔係好遠...我嚇到呆左!!

我望住個水樽跌落黎~個水樽入面有水嫁!!

好彩冇人受傷姐!!

7點幾先放學!!

今日放左學之後

去左人地學校聽資深傳媒工作者座談會~

唔係個個都要去...但係我地班全部人都一定要去!!

今日過得都幾快呀!!

物理堂真係好~

今日有得上啦~我勁興奮!!

我興奮到傻左...Rita笑我~

佢成日都話我好攪笑...好似小丑!!