2008~05~13

放左3日假....3日都去左老公屋企...

都無溫書添....好彩平時係屋企都有望下

d書書姐...若果唔係就有排溫啦...唉..不過

歡樂既時光過得特別快...由今日都開始又要溫啦

我要開開心心咁去旅行呀><唔想有擔心溫唔晒既感覺呀

所以我要努力d溫先得啦....要開始閉關先得啦..呵呵

我要加油！！！努力！！！

2008~05~09

現家上緊電腦堂呀....好悶呀....要聽既野我都聽完啦...

無野做啦現家..呵呵...今日我一早就番到學校啦...幾乖呀

之後見到英文miss~~同佢傾左一陣計..就見到靜宜同琪琪

打住交咁樣番黎啦...玩下姐....不過當時情景實在太好笑啦

緊住一齊入課室....第一堂悶到抽筋呀=.=第二堂...尚可接受

緊住放食飯啦...超happy呀~~去左長發飲茶呀..阿聰請呀

因為佢出左糧啦....而且仲唔少錢添啊...聰哥哥thx你餐茶呀

放完飯...又再上堂...好熱呀...好討厭夏天呀><好彩開大左個冷氣姐

一陣放左學要番工...又要做啦....唉....好啦...我要去八下靜宜講d咩先??

2008~05~07

好耐無打日記啦.....我實在太忙啦...好多野做呀><

每日番學啦.....我d功課啦....又要番工啦...工作了幾天

總覺得有點怪怪的...可能請左多左人啦...識個d又轉左去

第二度...不過同經理既感情依舊不變呀...有好有唔好啦....

個個都問我...你唔會累架??日日都係咁樣...唸唸下...又好似係喎

我好似唔識累咁樣既??又或者我係累透了...累到麻木晒呀@@

不過我每晚都有老公豬既關心...咩都補番晒啦..BB真係疼我啦...哈哈..

2008~04~29

尋晚同老公豬>3<講電話....唔知點解佢咁鬼有精神

係咁唱歌俾我聽....唱足個幾鐘...我一路聽..一路由個心

到笑出黎...有一種好幸福既感覺呀....我好鍾意呀>3<

P.S

*[[老公豬~~I LovE YoU So MucH~~]]*

2008~04~22

尋日一放學就同靜宜and佢既男人...一齊去青衣城到食〝別府〞

d野ok好食喎....呵呵...呢餐唔駛我俾錢...因為靜宜個次玩輸左遊戲

講得出做得到...請左我食飯...佢唔講我都唔記得左添...真係傻呀佢

果然夠老友呀....下次等我請番你啦..哈哈...食完之後..就去左睇化妝品啦

佢既男人等左幾奈啦...真係唔好意思囉...呵呵...呵呵...緊住就去左飲咖啡...

坐到差唔多5點幾....我就走囉....因為我約左BB嗎...我地去左尖吵咀呀

唔駛問...一定去買褲啦....行左個幾鐘先搵到個問〝1001〞呀

真係呀....最終買左條千幾蚊既褲...貴就貴d...不過又真係幾靚既...

買完之後就去食上海野....之後baby就送左番屋企啦...