Sky_Wang已經成為咗我過去ge一部份~而我對佢  係又愛又恨  我肯定  我同佢冇將來  所以我決定  寫埋呢篇日記之後  佢唔再係我日記中出現~

你同我講過ge每句說話  我都記得~我記得你同散咗之後  大約咁同我講:你得番媽咪一個家ja~乖啲__唔好激佢~  咁晚我同我媽咪嘈交~突然諗去呢句__覺得你個陣講得好岩~  你而家拋棄咗我~而我失去咗你  只得番我媽咪一個  如果我唔珍惜我媽咪  我仲可以珍惜邊個>?  其實我好愛我媽咪  所以我由今日開始  真係做個乖女  唔再激佢__]]

話姐~你ge離開  根本冇錯~Sky_Wang   我肯定  冇你  我冇今日  我唔想再錯落去  仲有好多野我未做  唔想再係咁過生活 

由搬黎葵涌  直到同你一齊  再直到同你散咗  我都係一個貪玩ge人~又唔識得珍惜媽咪  同你散咗仲衰  因為冇你管我  又冇其他人可以管到我  所以我變本加厲  我變得更加貪玩~  我仲愛上咗虐待自己  不過點虐待自己  我唔想係到講lu...   不過我已經諗通咗   唔會可再係咁  我呢幾日勁係到玩  冇再為你喊  但係都有幾分傷心  但係  我唔知我一靜落黎  又會唔會諗唔開  忍唔住喊~  但係我唔可以再係咁逃避~我要好好咁過......其實  我每次都係咁諗家~但係之後喊番ja ma~ 不過我相信今次唔會家啦~我都冇為你喊好耐啦~我唔信我做唔到~

同你  我輸得好澈底  但係我學識咗好多野~

感謝我ge過去有你