好辛苦呀...今日出左去城市定向...好想死呀...

一朝早六點就起身...七點返到學校等人...之後就搭去元朗...

去到仲有時間...咁曄曄就去左M記...我同奶媽仲有阿冼就同佢一齊去...

佢好鬼有米...係Mc Cafe度買左杯$28既咖啡...仲有買多杯$20既俾我地飲...

攞左張$500出黎俾錢...好勁呀!!

之後就搭大會提供既車去沙田...成程車想訓到訓唔到...

一邊耳仔聽住曄曄俾我聽既耳筒...一邊聽住奶媽係度吹水...

真無奈...好眼訓都訓唔到...

之後去到跳左陣Step...之後開始左受難啦...

一共要搵6個唔同既地點...又要過河...周圍行...

行左成幾個鐘...先去到最後目的地''沙田公園"...

但其實仲未完嫁...只係岩岩開始za...

大會俾左d錢我地...我地搭到尖沙咀就開始行...

行去星光大道...之後行去科學館...再行去九龍公園...

最後行番去京士柏...仲要行幾層樓梯先有得休息...

好辛苦...好左我全日都拉住阿輝個袋...等佢拉我行...

但佢既步速係我平時既3倍...我跟佢跟得好辛苦...

好難先去到嫁za...之後聽佢地講左一陣野...就散啦...

點知散左之後...仲大件事...曄曄抽筋...

我地等左成半個鐘佢先平穩到佢既心情...

但佢仍然係好痛嫁...之但係我地係頂樓...仲要行樓梯落番去...

佢落完已經七點...但我地六點散嫁...之後我地仲要一步步咁去搵車站...

我地係住唔同地方...但我地為左個"義"字...決定同佢一齊搭車...

但個車站竟然離我地幾十條街...佢一步步行...我一步步扶...

行左成個鐘先到車站...之後搭左一陣車...又要轉la...

轉左西鐵再轉...輕鐵...終於返到屋企啦...好想死...

又肚餓...隻腳好痛...好辛苦...我以後都唔想再去啦...