今日係中文日...我一大早就出門口la...

約左bt...姝姝...hi文係隧道口等...

點知去到之後...得bt係度...等左幾鬼耐都唔見姝姝同hi文黎...

咪同bt行去另一邊睇下lor...點知姝姝同hi文行緊過bo...

原來佢地係另一邊等我地...等得耐得濟過黎搵我地...

就係咁我地終於都可以一齊返學校...

點知行得唔夠1個字...hi文竟然攞溜左野....

咁佢就同bt一齊返去攞...我同姝姝行先...

行到學校門口就見到大佬杰la...

之後返到去姝姝竟然唔記得度體溫...搞到我地等左佢一陣...

之後企左陣...bt佢地又返黎la...hi文同姝姝一樣唔記得度體溫...

唉~我地就上左去課室準備先...bt等埋hi文...

搞左一論...又落番去集隊...

集完隊終於開始中文日既活動la...

原來我地個攤位都有好多工作人員ga bo...

仲有d人好衰呀...熟人入黎唔冼玩就給印la...

咁我咁辛苦整個game做咩呀...過份~

一時嬲過頭....喊左出黎...我都唔係好知點解自己冇啦啦喊左出黎...

遊戲時間完左...我地又上左禮堂睇表演...

又有人黎教粵戲...人地唱得好好聽呀...

睇到12點9就放食飯lo...等左咁耐...終於有飯食...

不過下午又要提早返黎採排...

我有獎攞呀...不過唔多想上台攞....

份禮物係一本好Q既簿呀...好得意嫁...

3點幾就放學la...好野!!

放左之後就同姝姝...bt...大耳...redred一齊去盈豐...

一路係度玩呀redred...笑死我地...

我地原本諗住去左寵物店睇鼠鼠...點知俾人買左wor...=.=

但我地都睇左貓貓...隻貓貓好得意呀...

之後我地又去左間水族館睇魚魚...d魚魚好多呀...

仲有d好核突既金蛙...原本都睇佢唔到...點鬼知佢突然郁...

好肉酸呀...原來佢叫金蛙wor...

玩到5點幾就返屋企...點知就番到個陣...竟然落雨...

今朝又唔落wor...過份...

今朝個天都有落雨呀...不過唔係好大姐...

但我都有求雨bo...不過係求聽日落雨...

因為聽日中文日...老師要人地集隊...我唔想集呀...

天呀...聽日一定要落雨呀...

今日開locker好多書呀...呀Ping又未返...好重呀...

我仲要行上5樓既課室...行左成個字我終於行到上去...

好辛苦!!!今日d堂都好平靜...冇咩特別野發生...

除左地理堂...我本來都上得幾好嫁...好精神...

最衰都係大舊石...係度訓...搞到我係最後個半個鐘...

終於忍唔住la...訓著左...落堂個陣成塊面訓到紅晒...

行過蕃薯面前...要姐住塊面...

呵...好左見我唔到...訓完之後好精神...

上中史堂個陣...遲放左半個鐘都仲好有精神...

放左學之後...就要去整中文日d野...

miss未黎之前...d男仔都變變地態...係度舞遮...

以為自己有把劍...都百痴嫁...

我同大佬杰坐係度玩...點知班男仔玩射橡根...

射中左我...我諗住射番佢地la...

點知射中自己...好痛呀...>/\<

我地係度做野...佢地係度傾計...過份...咩都唔做...

我地做到6點半先走呀...佢地仲早過我地走...=.=

唉~都唔知點解佢地咁都有分加ga...唔公平...>/\<

唉~今朝起身個天氣雖然多雲...但好好天...

所以一早起身就係度求雨la...真百痴...

一路刷牙...一路係度求個天落雨...

點知入左房換衫...出到黎...見到個天陰左wor...

以為個天真係聽到我講野...所以就繼續求雨...

點知返到學校先知其實個天係聽唔到我講野嫁...因為個天氣好好...

我竟然咁百痴係度求個天wor...唉~

搞到我要集隊...唔想企呀...但冇法...一定要企...

中史堂前少少先知...原來要小測...不過我咁聰明...都俾我無驚無險咁過左...

下午...修art個d人出去上堂呀...成個下午唔使上...

好妒忌...=.=點解成日都可以出去上...唔使上下午d堂...

不過多得佢地...中文堂...小丸子見咁多人走左...

唔上堂...同我地執作文file...不過我地要幫出左去既人整埋...=.=

放左學之後...約左miss張開會...去左mmlc...

好多人呀...都係中文日要幫手既人...

我地個攤位d幫手都係我地班既...加上有幾個係art既...

所以唔係有好多人黎開會...

奶媽好衰...自己都唔知有冇做到野嫁...

拎隻fopy黎...開唔到...搞到我要同佢執手尾...

佢地成班男仔係度玩...我同娟姐就係度做到死咁...

好過份...勁想打佢...不過無奈高又唔高過人...打又唔夠人打...

算~係個心度鬧佢就算...

今日我地又出左去尖咀做訪問la...

因為尋晚都未print到d問卷...所以我特登約佢地遲d先出黎...

而我地d中四既就早d...去搵鋪頭印問卷...

點知去到...竟然冇開門...個時真係唔知點算好...

之後...奶媽提議返學校搏下...睇下有冇s熟既miss or sir可以幫幫手...

咁我地就返左學校la...好好彩...小丸子係度呀...

終於都print到la...print左50份中文...50份英文...

咁我地就等埋其他人la...曄曄因為尋晚搵唔到佢...

所以今朝好遲先搵到佢...我地諗住等埋佢黎...

點知等到11點半都唔見佢...so咪打俾佢lor...

點知佢竟然話佢自己去個度搵我地...

咁我地就拿拿林去搭車la...點知買左全日通之後...

上左車...發現自己唔識去...

咪call呀曄曄...問佢點去...

順便問佢去到邊lor...點知發現原來佢同我地一架車ga bo...

真係百痴...咁遲先知...=.=

之後我地去到就開始我地訪問既計劃...分開晒去問...

我就同阿冼...曄曄一齊...

問左好多外國人...佢地好熱情...都肯幫我地...

之後1點幾諗住一路行去m記...一路做訪問...

以為坐係度個d係中國遊客la...點知一問先知係香港人...

好瘀呀...問左幾個都係咁...

之後唔問la...去食野先...

去到m記...因為冇位...曄曄又去mccafe買左杯西瓜汁...

我地就坐左係mccafe專用區...我地又另外買左個餐...

食左成粒鐘...傾左好耐計...先去再做訪問...

之後就一直問人地係咪中國遊客...

好左做晒za...但原來仲有好多英文問卷...

又要去問外國人...d外國人好鹹濕呀...

一d言語上鹹濕...一d影相猛咁拈我便宜...

好過份...有個最衰呀...摸我條腰...

個個鬼佬都係咁嫁...我又唔可以打佢wor...

唉~好慘呀...

做完之後...有d去左食野...我地3個同奶媽去行街...

曄曄入左間鋪頭買衫...但奶媽冇入黎...係門口等...

佢試左好多件...本來有件好靚嫁...

但曄曄揀左好耐之後...都揀左第2件...

我同阿冼都好奇怪...出左門口之後...

曄曄同我地講...原來佢試個陣...唔小心整爛左個件...

唔怪得之佢唔買個件la...=.=

之後我地搵番個幾個食野既...之後就一齊去搭車la...

搭西鐵個陣...有個好得意既小妹妹坐我隔離呀...

我係度同佢玩...好q呀...

但我早佢一個站落車...見唔到佢lo...

之後就返左屋企la...

今日係姝姝生日呀...又大一歲lo...呵呵

姝姝 :

            生日快樂ar!!

                                                                                                                Cindy

今日我地出左去蝴蝶灣BBQ同佢慶祝ar~...

本來唔係有好多人...但唔知點解愈來愈多人...

我地一早就約左係大興北等...但係姝姝一如以往係"遲到"ga...

算啦...既然佢今日生日就唔罰佢la...

原來我地今日都有好多人黎ga...

有我la...姝姝...bt...珊珊...大耳...redred...大佬杰...ab晨...bee...明明...

因為d人好遲先黎ar...所以珊珊同大佬杰就去買水先...

到等齊人之後...我地就去搵番佢地兩個la...

但bee同ab晨話要去買禮物俾姝姝...

所以就分開左行...但去到雅都門口又分開左兩班人買野...

珊珊佢地就去買野食...我就同姝姝...大耳...大佬杰買紙杯紙碟...

我地去完超市買野之後就同姝姝去買蛋糕...

姝姝揀左個都幾大gei芒果蛋糕...之後我就發現我唔記得買麵包呀...

搞到我要返轉頭買呀...之後我地又要搭車去蝴蝶灣先買炭...

去到之後買好晒野la...以為得嫁la...但d衰炭搞到我條褲污嘈晒...

好左唔係好污嘈姐...點知去到先知佢地搵唔到爐...

好左珊珊用佢既美色成功借到個爐...

嘩...d"登"好熱...差d燒著個patpat...

燒到咁上下...我同珊珊...大佬杰去買條褲落水...

好貴呀...$39又唔令...唉...算...

買完...換好衫...我地就去左玩la...

第一件事就係揼姝姝落水la...姝姝俾人揼完之後...成頭都係沙...

呵呵!!我有份ga...之後我地又揼珊珊落水...

冇幾耐...hi-文就黎左la...但我地仲玩緊...

我地游到好遠...最好笑既係我唔識游水...但我又好鍾意水...

玩左好耐ar...但我俾d石整到隻腳呀...流左好多血...

之後就冇再玩水...改左影相...成身濕晒同人影相...整到d人濕埋...

哈哈...影左好多相相呀...呵呵...

之後又玩沙....放晒係姝姝個身度...好好笑呀...哈哈...

玩左好耐沙...5點幾先返屋企呀...

走個陣仲玩吹波波...好令呀...

好大個又令...今日我真係玩得好開心...好難忘呀...