期待以久，由０６講到０７擇過年、等到人地由＄１５０減到＄１２０、等到人地由冬季變成夏季既一年一度添馬艦冬季嘉年華，終於在上個星期日完成了。
（先在此為我又遲到既陋習跟大家講句不好意思！下次不敢了。）

其實小女子一向對任何有可能促使我血液運行加快導致心臟間歇性爆血管既刺激遊戲，我都一律不會嘗試或有意去觸碰，因為我真的受不起刺激呀！！大家可知我為什麼連睇鬼片、聽鬼故、玩過山車都可以驚到喊，雖然我擁有強健既體魄但心靈是好脆弱的．．．哈哈！！！我真係驚架，跟我既外表係不相符！

當日，我只是玩了２個過山車、１個搖搖既會升高既野、１個以為唔驚但實質好恐怖超級離心力既青鞋跳（驚到不停xys@&$zx＠a！有冇攪錯，改個咁ＱＱ既名，呃細路。）、五彩天梯、摩天輪（注意：我竟然坐摩天輪都驚囉！）。

基本上，所有用電既遊戲我都不斷地尖叫尖叫尖叫．．．ｘ１０，
由開始到完結我都只是發出一個音．．．呀！呀！呀！！！！！！！！！
其實在排隊時，我既內心已經感到非常可怕了。
不停望著個機動遊戲，聽到尖叫聲不絕，內心不停計算，好恐怖呀！！

經過一日既自以為恐怖非常既狂呼尖叫後，我的喉嚨已經聲音沙啞了。真是失禮街坊呀！！！

大合照，玩到晚上９時多，在遠處跟摩天輪來個合照。