星期六，跟好久不見的BUSY伉儷DINNER。本是包括zoe伉儷，可惜當晚她要跟屋企人團拜，不能出席。

我們到了雅蘭中心的別府拉麵食飯，９點多仍然人山人海，由於在同一層有多間食市，加上旺角日日都有人滿之患。

不錯不錯，跟阿麟食飯一貫作風，絕冇冷場，成日話自己靚仔、又話自己好仔、又成日串我．．．哈哈！娛人又娛已，不過，他的性格依舊火爆。
他一次比一次大個仔（他的年紀比我細３年），由我認識他直至跟busy拍拖到現在，真的變了很多，不再幼稚、不再孩子氣、不再無所事事，整個人都成熟了。
他們拍拖３年多，雖然分過手３次，更奇妙的事，是他倆的感情比之前會更好，相信走唔甩了，我要準備儲錢做定人情差唔多了！

另，當晚我在雅蘭時撞到成、傑、恆三人跟同學仔聚餐。嘩嘩．．．他們一行十多人，緊要喇，一行十幾人都係清一色既男仔！！仲要有好幾個肌肉男，哈！！正喎∼
由於他們人材頂盛，足成人牆，令我不敢埋身打招呼呢！我即時企在遠處打個電話比阿傑，跟他們打招呼好了，之後他們一班仔仔向著我的方向望，嘩．．．嚇死人咩！之後，成他們行過來吹吹水，那之後他的同學也過來打聲招呼ｓａｙ聲ｈｉ！
死仔丫，有仔唔介紹比我地識呀！！∼哈，下次唔好叫我介紹ｄ女仔比你∼