近日的工作表現真的令人沮喪，經常失誤！
相信自己的粗心大意所至！！！

另，亦是近日經常做客席sales，在鋪頭的時間還要比office來得長！
我跟本沒有時間清理枱上的東西，日積月累，亦沒有時間慢慢去做，
因此錯誤就此出現，及沒有及時將東西做好。
老闆早早已講明，不理會過程，只要結果。
不論我有十萬個忙，十萬個雜務，十萬個電話再加sale屎姐姐們的十萬個為什麼．．．

只有一雙手既我及苯頭苯腦既我，明顯做不來，而且錯事百出。
幸好另一同事出手相救，否則，我真的做不來呢！！

天氣特別凍的時候，不知為何特別好胃口！
每天都好似吃不飽似的，可形容為食足五餐都不覺滿足。
這種天氣又不知何解想食甜到蛀牙而溜到嘔既甜甜古古力，
總覺得食著朱古力，整個人已覺得非常之滿足，
突然想食一個熱騰騰的心太軟呢！！！

自上次由蘭州路經廣州之後，差不多一年沒有踏觸此地。
今次又比上一次先進了，繁榮了。
真的越來越似香港，不論人和事，可是食方面還是廣州的便宜。

今次明顯為食而來，而廣州通ｊａｎｉｃｅ的英明領導下，食盡廣州美食！！
先來一個未出發先興奮的消息，我們只用了２人同行１人價錢坐巴士直上廣州，只需每人＄６０，
當時真的懷疑我們坐的是什麼車呢？
我們坐的絕對是新車，而且非常乾淨！！正呀！！

需只是兩天，但我們食得出色、住得出色。
吃了口水鼻水齊齊流既勁辣川菜、飲了廣州茶（即飲茶）、
食了滑流流的廣州拉皮（即腸粉）、一訪想食好耐的小肥羊。

另，在做了我們非常愛做的事，ＳＨＯＰＰＩＮＧ！！
在ＣＯＰＹＣＡＴ既天堂怎可以空手而回呢！我們大疊大疊掃了ＤＶＤ、鞋、衫，
真係抵到你訓著都偷笑呀！



<水煮魚>



<梅菜豬肉拉皮>



<小肥羊>

星期天，一早身已發覺勢色唔對，頭暈暈好想嘔，加上頭痛，整個人都好浮呢！
這個時候都只是好初步的普通病情，沒什麼，只要不是食得太急就不會嘔吐大作。
晚上我還跟家姐食了豐富既甜品。

星期一，開始黎料了，早餐的三文治，由早上９時到下午２時仍然頂胃，
但肚子開始打鼓了，那跟大隊一齊食ｌｕｎｃｈ吧！
好了，食物已經半ｆｕｌｌ，再加我之後飲了些ｇｒｅｅｎ　ｔｅａ，
已經頂到上喉嚨，一直認著認著，心想唔嘔出來，過一陣應該冇事掛！
可是頂唔順了，即刻以９針９跑入廁所。
那晚上又口痕，買了ＳＯＧＯ的日本糯米糍，新鮮野緊要去試試呀！
回家後即時品嘗，過左一陣好想嘔呀！！！因為有點膩加又ＦＥＥＬ到頂胃∼
可是十幾蚊一個的糯米小球就此掉進大海嗎？我捨不得！！！
到最後一樣送進大海了。

星期二，情況一直沒有好轉，變得更嚴重了，食乜嘔乜，飲了一紙包西柚汁都可嘔回二包出來！！
一心想著自自然然會好番，嘔多幾次就好！
最後，都係要去搵醫生傾傾計，証實得了腸胃炎。
禁食２４小時，只可以飲葡萄糖水、維他奶、蘋果汁，不可進食任何野！！！
天呀！！！！！！