今日係UT 前的最後一日上堂

我好驚今次UT又好次上學期考試咁  考得咁差

上第一堂 中文堂 真係難得冇訓著(次次上佢堂都係訓著) 仲可以好留心咁聽書 真係奇蹟

上完中文堂後係小息  同儀落左去小食部訂野食 (d 野開始唔好食 )

then 係家政堂 ( I like ) 今堂係整意粉 希望整得好食la

落堂就係第二個小息 同儀上樓梯個時 見到佢 好白痴 咁大個仲玩追逐既遊戲

之後就係英文堂呀 我竟然唔記得今日要test 返 imfrom test  真係冇記性

終於lunch la 哈哈 個肚好肚餓

又食左好多野 又肥多d la 點算呀

唉 !! 劉健儀好似嬲左我地呀 嬲我地世史小測抄答案

我地都係想有個好睇d 既分數姐 (我本身都唔係好想  但唔知點解 睇到d答就好想背左佢咁 )

then 地理堂 成班都好怪 連鄭sir 又係咁 之後聽許止瑩講 先知 鄭sir 諗住突擊test

聽到之後好驚 就開始睇下本地理書 諗住可以溫到一d la

點知......

佢個test 係可以睇書  哼 有冇搞錯 搞到我驚左陣

之後係中史堂 唉 上次個400字搞到我好冇面呀 > <

好采冇人叫我 等我可以安心咁係櫃內睇書 哈哈

之後個堂就係世史la 有d驚驚地

點知派到份卷 我咩都唔記得晒 只係記得第一頁個d答案

唉 !! 只好靠自己琴晚溫個d 既記憶la

放學lu happy

同儀 嘉一齊放學 同佢地係粉火逛左陣 夾左糖食 好貴呀

then 儀同嘉都係到話 我咁食法真係會肥

但我係美食既面前永遠都係認輸 我都冇計

因為 UT 既來臨 自己都冇咩點睇書lu

但好悶 雖然個人想溫書 但唔想睇d課本既書呀

唉 !! 又係一次無心溫書 

我幾時先可以好似 F. 1 個時 有心機溫書

我好想鮏好成績呀 咁阿媽就唔洗嘈我

> <