今日要英文補課,本身其實補課只要補到4點9就可以走,但可能係老師做野慢啦,攪到我地個個最遲都要5點先走得,再加上我之前因為冇做到工課,所以比老師留左係度做囉,好彩,我有條友行借比我抄,如果唔係做到依家,都未做完(哈哈..講笑炸),後來5點10分先走得,我行路去德田,點知又無啦啦想食薯條喎,我買左一包薯條。番到屋企正想入門口個陣,竟然有人打比我喎,當時我諗,邊個咁好彩,可以比我聽到佢電話,點知原來係chloe...佢仲問我落唔落公園玩囉,之後我地6點45分係7十一到等,我地係公園玩左一陣,突然chloe話想食糖囉,我個陣都o左,又會無啦啦想食糖,不過我地最終都買左d糖食,d糖以前未食過呀,今次係第一次食依隻糖囉,都幾好味,幾得意..我地仲買左一包,諗住遲d再食過。我食完之後,仲上左chloe屋企食飯,雖然d餸有d普通,但係都幾好味,依D係咪叫愈簡單愈好味呢?