今日係星期六，我相信今日係暑假開始交後，最早起身既一日。因為，我今日約左敏敏去書展呀麻！

我地9：00 a.m 就上左960去灣仔，落車後，我地慍左好耐先去到書展，我好興奮呀！今次係我第1次去書展呀！！！灣仔會展中心好大呀！我地係果到行左好耐好耐，邊行邊買書。最後，我買左4本書： 維納斯的城堡、二話不說愛上你、小氣小姐戀愛了、同阿凡提的笑話，呢本書係買比我細佬架！

行完之後，因為我要去呀婆屋企食飯，所以叫敏敏倍我去慍116真接去呀婆屋企，點知，我地慍左好耐，都慍唔到個車站係邊，所以到最後，唯有改坐地鐵去啦！當我去到呀婆屋企之後，就立即打比敏敏，點知原來佢仲未上到車番屯門，真係嚇死我啦，好彩到最後都可以上車... ... 真係有怪莫怪呀！！！

係呀婆屋企食飯果陣，我唔小心啃左條魚骨係個喉嚨到，唔上唔落，最後仲入左急症室，等左3個幾鐘先有得睇，個醫生竟然話睇唔到條骨，真係等左咁耐都係得個吉！！！好痛呀！好痛呀！鳴嗚... ...