今日同爸爸、媽媽去韓燒~都幾期待架,事關好內都冇去食lu~12點半start,3點走lu,我好鍾意食自助餐的感覺,好滿足呀!本來鳳鳳話搵我行街,不過最後都cancel左~咁就返屋企睇<花鼠俱樂部>,都幾搞笑,故事內容ok~不錯的一套戲!then玩電腦,睇書*.*我開始感到悶了...如果日日都係起身,食飯,玩電腦,食飯,睇tv,再玩電腦既話=.=''我不想這樣!

 嘩>v<今日係amy的牛一大日子~諗返係上年,因為要補課,so冇咩特別的慶祝!今年就要好好慶祝返啦^^~首先陪amy去車厘子買cake-黑森林*7點正,係虹橋餐廳度食晚,有我,amy,彤彤,鳳鳳,碧玉,清宜,koey,卡文同丫舒~我同amy係度估個會黎先@.@!

大家一路食飯,一路傾下計,氣氛好好*碧玉的9唔搭8,令到我地笑不停!到食cake的時侯,唱生日歌,拆禮物,so happy^.^希望amy鍾意d禮物啦~影大合照~d侍應幾好人,又比我地去第2張檯度影,又幫我地充當攝影機^^!跟住大家去m記玩啤牌'killer and鋤d'11點幾回家~

開心的一天~可以同d朋友一齊玩同傾計! AMY生日快樂,希望你日日都會好happy

 今日訓到好晏呀*.*12點幾先~then等跳舞,今次我地都做唔到2點2拉筋,希望下次得啦>v<!慘了=.=''跳得唔好~突然,碧玉唔開心,因為佢感到做隊長的壓力,碧玉,加油呀!我地支持你,你做得到架~之後miss走左,我地contiue練~完左,碧玉都冇事lu,佢變返好積極,咁就好啦^^!

跟住同佢買野,再join媽媽買野,回家~夜晚搵巧儀,送結她遲來的生日禮物,佢鍾意我都好開心^o^傾左陣計la,我都想學普通話呀@.@!

 今日去面試-郵政產品登記員~都好緊張@@''~好彩今次個地方ok快搵到~不過好似遲到/.\~首先填form,之後interview,可能有左星期6個次經驗,所以今次表現好d~見完就走lu,佢話今日下午會通知得唔得*.*''~今次都識左個女仔,佢讀緊中學year2,我覺得佢d英文好叻!

今次終於識搭車lu~回家就食lunch,then去女青跳舞~今次都ok既,miss 開始排隻舞啦,不過排筋好痛~完左就去鳳鳳屋企,差唔多有成10個人呀,何其壯觀>v<大家係度整謝師宴個look~既期待,又緊張!

收到個間公司打黎話請我~當時真係好開心,因為e份係自己第一次搵的工~唉/.\...但爸爸反對我做,佢話又出到咁遠~唔想搞到同佢吵架...so最後都決定唔做~

 好緊張呀@@''~今日係我人生第一次見工-書展營業員!9點幾醒左,平時都訓到11點幾^^''嘻~10點半上到車啦,係度諗佢會唔會用英文問我野*.*''驚~突然,旁邊個小妹妹訓左落我膊頭度,諗返起細個個陣,我都係會咁~

落左車,見時間尚早啦,諗住可以慢慢黎,點知我好似迷路我真係唔熟觀塘e個地方~好彩問下人,最後都準時到達~面試啦~我覺得我表現麻麻~旁邊個女仔好d,佢好pro>v<~finish~等通知

原來個個女仔都係住屯門~跟住佢帶我行條快d既路去車站~佢都係讀緊書,我覺得佢好識諗~我地搭唔同既車,so上到車就聽歌lu!

見工完畢~希望會有好消息啦!