即係咁，我覺得我冇必要忍你地，

本身畢業聚餐已經唔係我自薦去搞，

但我覺得既然係我有份，我就想做好佢，

未必係好好玩，至少想達到多謝老師既意思，

但係由揀酒店開始，就話貴，一係就話cheap，

想我點？我只係想就大家意見揀一間酒店再就老師時間搵個好日子，

但係你地只係諗自己完左要去邊度蒲，唔想係呢間。

「謝師宴」顧名思義係多謝老師既一個聚餐，

點解唔可以幫老師諗下而係不停咁要我遷就你地？

我都係學生仔一個，

Pre-mock，mock，DSE我都要考，但係我考住都要處理book酒店既事，

人地酒店唔做我地生意唔係我想架，我唔出聲，

 一開始我叫左你地揀兩間，我都係跟多數人意願去第二位而已，算啦。

而家，我同你地一樣有工要番，有啲唔洗番既反而仲大聲話我，

Fine，話我揀得唔好，揀得Cheap，冇聽你地意見都算啦。

愈講愈過份，講到我做數落格，話我獨裁，

點解唔諗下當日問意見，你地比咩意見，我做左之後你地又點話我Cheap？

點解又唔諗下你地班代開會做咩，玩Whatsapp，Shit !

忍左三日忍出病，今日不吐不快。