今日返咗深圳,去探下青青..羅超同埋黑豬都有出來...我地係咁食嘢,好似食極都唔飽咁..我就當然係咁要食雪糕啦~!
去咗幾個鐘,但係我就好似好耐未試過講咁多嘢咯~講返以前華茂D嘢,..食嘢嗰陣仲見到個人勁似大豬頭既~搞到我地係咁笑..青青就冇乜反應,因為我地唔同班...同青青影咗幾張相..雖然用電話影得唔多靚,.但係今日都好開心...
羅同學都幾take care我啦~~而pigger雖然好少出聲,但係總之都好好人啦...乜都就曬我...青青就..唉''成日搞到我做d好瘀既嘢~~畀佢地笑...5點幾..我話要返屋企..佢地三個一齊陪我搭地鐵(深圳)去羅湖...我走咗之後,青青同羅超都sms嗌我返到屋企一定要打畀佢地.....我走之前要佢地喊,但係個個都話喊唔出..青青身為我男朋友仔,仲話佢一定喊唔出,仲會畀我d行為笑成喔....一個二個都冇心肝架...                 (深圳既地鐵畀我想像之中靚好多,但係冷氣就真係唔係太好啦!~)
今日返去食得好開心..事實上以前係華茂,佢地都係好照顧我,都好關心我..都好樂意畀我玩..但係我以前從來都唔發覺..好多嘢原來係失去咗先會珍惜...不過我而家班朋友都對我好好呀!~!嗯嗯~所以我都會好好珍惜你地架~

             我以我地唔單止要學識及時行樂,仲要學識,懂得珍惜身邊既人,周圍既一切事,物..不要等到失去先來後悔,先知道一切都太遲.......

last night..成12點半先訓,但係訓得唔好~~訓極都好似訓唔著,一訓得著,就係咁發夢..我諗再係咁,我發懵就差唔多..
8點幾起身..!!畀媽咪強迫我食粥...食完之後.9點幾,開始執房....執到11點幾.(.垃圾好似唔係好多......),,,之後而家唔知做乜喇....
聽日諗住返大陸(深圳)探下我青青男朋友仔..嗯嗯''''嘻嘻.......