今日同媽咪行路返學,開始嗰陣個媽咪行到好快(我都跟得上少少),佢話驚我遲到喔~~之後行到隧道,我開始攰喇~temple減少~~之後行到文禮閣,開始越來越攰...行得越來越慢,,行到隔離學校我仲同媽咪講嗌佢返母校~佢話我傻~慢慢行~行到學校門口見到small,佢幫我擰書~同媽咪bye bye~ 小息嗰陣,畀miss chan chan捉咗去教員室,講返D功課,搞掂之後,行到四樓就打鐘喇~~點算呀~~好肚餓呀~~嗯嗯~~以最快速度行返班房,之後穩小添老公幫我擰上堂D書,之後我就開始食餅乾~~好肚餓呀~!!~不過因為上黃SIR堂,冇得食嘢,所以要分晒佢~最後當然成功喇,上音樂堂小添老公唱歌呀~哈.都okay喇....到lunch~~我個飯住叮到打唔開~~鵬鵬佢哋一直係度幫我整~~而我就係度做功課!!最後我嗌簡生幫我去買米粉,之後佢買到...哎~唔想講,搞到我開始發癲,好想打人~岩岩小添老公伸咗個頭過來,所以就畀我打咗一下咁多喇~~我好輕手架~~之後佢哋去穩熊SIR幫手~成功,不過我發完癲之後,食咗小小就唔想食喇~~又要返上去上堂喇!!又講到補完PHY~補到4個字~~而我呢就要係30分前去到診所,趕到我癲喇~最後我係29分到咗,有得洗~如果過多一分鐘,就要去瀝源喇!!之後等媽咪接我~佢買咗西餅畀我哋食~太好喇~~之後佢要我自己行返屋企,自己就話要返去買宋~擰埋我D書,要我自己一個人行返去~行到六點三先返到屋企~~好攰~~食完飯之後就做H.W.~~由7點半做到10點先沖涼~~沖涼嗰陣,媽咪又唔正常,係咁話我瘦咗,又話我一定好辛苦,係咁問我係咪好唔舒服,我話唔係,就係咁煩我,煩到我話係~~佢終於收口喇~~我真係好驚佢等我好返,到佢去青山咯~~我而家驚佢多過佢驚我~~

今日好早就起身,因為我要返學喇!!食完早餐坐咗一陣,7:40a.m.同媽咪出發,落下面諗住接的士,點知等咗成半個鐘,由冇雨,等到落大雨,因為知道一定遲到,我係度發脾氣,我知其實媽咪都唔想,所以sorry~呀~~媽咪我發你脾氣!!之後因為冇帶遮,我話要等到下午先返,但係返到屋企之後,唔知點解,會喊咯~次次都係咁,搞到媽咪好擔心,之後佢氹我,話如果我唔返學,佢都唔放心返工,話驚我自已擰唔到咁多嘢喔!!所以我又決定咗返學喇!!遲到都唔緊要~返到學校,個個都好關心我,好感動架!!猶其係華sir~佢幫我同羅sir講嗌羅sir唔使我落堂,嗯嗯~~太好喇!!哈~~之後今日成日都好開心...到咗lunch就食媽咪個愛心飯盒,though畀我想像中冇咁好味,不過點都好過日日食學校D嘢喇~~個meeting傻下傻下咁,嗌佢幫我叮飯,佢叮完之後,擰錯咗唔知邊個個飯盒畀我....哎~~嘻...下午兩節chem,都ok喇~!不過腰骨就有D攰咯!!之後上AM,上咗一陣,要去洗傷口~~小添老公(個衰人),雞雞&小何陪我一齊~~去嗯嗯~~之後就返去補AM,真係超冇聊....做埋D小學MISS都唔會做既嘢,真係冇嘢好講....補完之後就返屋企,又接唔到車,行去博物館嗰邊,都好難接~~所以我決定聽日同朝早同媽咪行路返學...嗯嗯,媽咪都話好~~