今日我好唔想起身呀~因為琴晚11點幾先訓~!今日返到學校之後,D同學對我D頭髮都冇嘜點啦~但係早會嗰陣,個錦奇好似好**咁,係度笑我咯~搞到吖菇今日,得閒冇嘢做,見到我就"哈哈哈"之後就話佢冇笑~傻下傻下咁~不過我都唔知自己做嘜,小息係咁好似呆咗咁,坐係度~!之後上中文堂呀~好開心呀~因為吖SIR話我哋組有3個人五份卷都合格,有我份呀~幾surprise咯~!我仲係紅組最高分架~61.5(嘻嘻)搞到我係咁傻笑~美瑩就第二60.5~我本來真係諗住美瑩擰第一架~因為佢D中文好勁架~!上倫宗喇~先係同敏婷傾返琴晚同佢媽咪報告D驚險場面,之後就睇咗嗰部......(又唔記得咗咩名喇)~有幾個鏡頭都幾得人驚咯~所以我就冇睇喇~好快又到lunch   lu~~~食完嘢之後,好冇聊~唔知點解會嗌周同學畫個"1仙"咯~佢擰張紙巾畫畀我~後來我冇嘢做,擰咗張紙巾,寫咗幾個字--肥豬公&瘦豬乸~之後畀個吖菇睇到,後來就玩D好冇聊0既嘢~~覺得坐下坐下好似好凍,所以嗌智勇陪我上班房~上化學堂咯~兩節課都冇嘜嘢做,好快就改晒chem&bio D卷喇~之後就同small傾咗D感情方面0既嘢,後來講到我老公條瓜D變態嘢~因為之前佢成日都話要帶人去"墮胎"~~我哋講下講下~智勇來話要搭訕喔~~我哋話講緊"墮胎"~我仲話帶佢去先~佢話唔使喔~仲話要帶我去咯~好快就咁傾到落堂啦~但係我要上A-maths~~好唔鐘意上咯~因為個miss wong教得太..搞到錦奇係咁鬧佢~最後miss終於派卷啦~~嘩~~84分呀~完全冇諗過有咁高分咯~因為我最last嗰題係錯得好離譜~~好開心~之後就同雞雞殷返屋企喇~返到屋企都5:36lu~~去洗頭沖涼~之後好神速咁洗完衫~之後又話要食飯喔~食完之後就洗碗喇~!洗到7點幾~返房開電腦~睇下個電話~見到丙姐打電話來喔~打返畀佢咯~原來佢嗌我今個禮拜去整頭髮啊~!我同佢講話已經整咗lu....之後佢又話丙丙都諗住去整喔~不過我搞定lu~~~哈~佢同吖芬去整,有人陪佢~就唔怕悶啦~!
聽日phy張卷...啦~~不過好似冇嘜feel喔~因為我已經打定輸數啦~嘻!!!!
我諗到送嘜畀我表叔啦~就送麥當當嗰十二生肖公仔畀佢啦~哈~太好啦~~
仲有呀~洗完頭,發覺我D頭髮(髮尾)同雜草係完全冇分別咯~嗚~~雜草~~唔緊要啦~因為唔會再人人覺得似someone啦~嘻嘻~

  今日唔知y,好早就醒咗啦~(10:00)真係好早~不過好似好攰咯~但係又訓唔著,所以起身,整早餐食~!!見到書台上面有錢喔~見到錢先記得原來我今日要去整頭髮架~所以食完嘢,洗乾淨之後,睇電視~睇到11點幾,之後就著衫~唔知點解會由11點九個字,著到12點三先搞定~我發覺自己D動作真係好慢咯~~就去咗髮型屋喇~~因為知道一點好悶,所以擰咗本<一公斤眼淚去>,但係好似冇嘜心機睇,好眼訓~!之後到而家先岩岩搞定返屋企~我覺得一D都唔好睇咯~~T_T~太傷心喇~坐到個PAT PAT都痛~最重要就係餓到個肚都凹咗入去~~返到屋企,又唔願煮麵食喔~之後食咗包朱古力餅乾~後來,畀我發現雪櫃度有上次淨低0既麵包(今日唔食過期啦)&我鐘意0既卡夫芝士~太好啦~就食佢哋啦~沖咗杯奶粉,就開餐喇~!~though食完之後好似都係好肚餓,但係我知我唔可以再食喇~因為之前餓咗太長時間,如果即刻食太多嘢,個胃一定唔使要~所以唯有忍下口啦~~唔怕0既~!我D忍耐力好好架~~嘻~~