一個字：癲∼！
ｙｅａｈ∼今日去左海洋公園朝，朝早去到ｍ記，都係我，彤，ｓｔｅｌｌａ最遲．．
去到海洋公園都只係９點幾未開門．．好熱好曬呀∼∼
入到去即刻玩左２次激流，好好玩呀∼！好彩我２次都係中間，坐第一一定濕晒∼哈哈∼
之後去玩越礦飛車，ｓｕｎ同ｓｔｅｌｌａ冇玩．．第１次玩，唔係好驚ｊｅ．．
晶晶仲話要睇住大丸個樣，點知姖都自身難保，我玩果陣望住佢地真係好搞笑，２個一齊扒低．．
我，律子同彤玩海盜船果陣坐到最高，仲要企係度∼超正．．ｓｔｅｌｌａ就．．．－ｖ－”
之後玩左飛天韆鞦同摩天輪．．冇咩人坐摩天輪，咁我地就叫果個人俾我地坐多個ｒｏｕｎｄ．．
仲話請佢食一粒糖ｔｉｍ，不過佢話一粒唔夠，起碼都要２粒半．．＝＝”
最後都係冇請佢食到∼哈哈∼
去左海洋館，ｄ ｊｅｌｌｙｆｉｓｈ真係好得意呀．．
係澳洲坐船果陣見到成個海都係喎，如果跌左落海就大濟喇∼
個翻天飛鷹我同晶晶一架，晶晶係咁係度嗌．．但係我就係咁係度笑ｌｏｒ∼
因為晶晶個樣真係好好笑，眼都唔敢打開∼
跳樓機真係好正呀∼！！不過ｓｔｅｌｌａ同大丸冇玩．．我同彤係上面數左１１秒，佢就跌落黎喇∼
我最唔鐘意玩過山車，撞到個頭好鬼痛．．但係ｓｔｅｌｌａ同大丸竟然話呢個好正．．
之後食野，先見之明，自己帶ｌｕｎｃｈ去食，哈哈∼果度ｄ野食勁貴呀∼∼
同ｓｔｅｌｌａ夾錢飲一杯ｍ記可樂＝．＝”趙公雋，大丸，晶晶拎錢去玩ｓｔａｌｌ ｇａｍｅｓ∼
晒錢，晶晶第２次扔果陣我話如果姖扔唔中就請我飲汽水，咁多錢黎晒丫喇？！
點知俾姖扔左２隻叮噹返黎．．
去鯊魚館同埋日本花園，個鯊魚館涼到唔想走呀．．
食完野之後就坐吊車落山，今次猜到同律子，晶晶，趙公雋一架，晶晶真係好唔掂呀．．
姖要扶住支柱坐係地下度．．姖真係畏高ｇａ啵∼我同律子係咁ｈｉ隔離ｌｉｎｅ ｄ人．．
有ｄ人同我地ｈｉ返啦，但係好多人都望住我地喎．．原來係望住晶晶．．
未見過有人坐吊車坐到咁．．哈∼
落到去就去玩超動感影院，佢個模擬跳樓機同真實果個差好遠喎．．
到左最尾佢竟然噴水？？！ｓｔｅｌｌａ好勞氣地講左句野，但係之後我都講左句比姖嚴重少少ｇｅ∼
參觀左金魚大觀園，有條金魚冇左眼珠好恐怖呀∼去左睇佳佳，安安俾人放左係間房度呀，冇得睇．．
行恐龍徑，嘩．．ｄ恐龍真得佢丫．．＝．＝”ｓｔｅｌｌａ話隻大恐龍可能有閉路電視，
大家一齊對住隻恐龍做鬼臉．．
入左蝴蝶屋，好多黑蝴蝶，諗起新金田一少年事件簿果集黑死蝶之迷，驚驚地ｔｉｍ．．
個３ｄ幻影森林，我之前黎都唔覺有佢ｇｅ存在，今次入左去，廢ｇｅ．．戴住舊３ｄ野唔知做乜．．
兜左一圈又冇野睇就出返黎喇∼哈哈∼之後行吊橋，行到盡頭又行返返轉頭．．．
去左兒童王國，好多野都好似係歡樂天地搬過黎咁．．我地玩左小火車同旋轉木馬．．
有個小朋友坐係我地中間喎，玩完之後佢隻馬高左，我同晶晶係咁問佢落唔落到黎，
佢好似好驚咁唔答我地．．跳左落黎之後仲即刻走ｔｉｍ．．駛唔駛咁呀．．
佢地去左玩果ｄ模型船仔同車仔，我就快渴死喇，終於都用左＄１４買左支水．．
有水飲係好幸福ｇｅ事．．要珍惜喇∼
之後去左玩兒童王國ｇｅ小型摩天輪．．除左我同彤之後，佢地都走晒去玩青蛙跳．．
一次只可以載到一個佢地．．哈∼
之後就搭返吊車上山喇，今次猜到係我，彤，律子，ｓｕｎ一架．．
坐吊車真係好舒服呀∼個海仲好靚ｔｉｍ∼！
上到去坐海洋摩天塔，景色唔錯．．不過晶晶都係好驚．．玩完之後衝去玩多次激流∼
太正喇∼我地係最尾果２架船．．
海洋公園閂門喇∼太正喇∼！我地由佢開門玩到佢閂門．．
ｙｅａｈ∼今次終於都玩晒所有機動遊戲喇，但係個乾衣機壞左冇得玩，ｗｈａｔ ａ ｐｉｔｙ∼
返到屯門８點幾，去左美食廣場食飯∼之後９點半返到屋企∼攰死呀∼∼∼ | 
