今朝訓到十點半就醒喇！冇返到教會~又驚啊媽打黎 check 我喎~所以好提心吊膽...*十一點幾，彤彤打黎！佢叫我去剪頭髮喎，咁見 book 倒！就冇所謂喇~寫低張紙仔就出左去喇！！搭車去到元朗，見倒啊 ken~哦！！原來佢係咁既樣既~我仲諗住佢二十幾歲既添~係到等等等！等左勁耐喎！佢又係到慢慢剪，剪剪下又走去第二到！！明明我地黎先嫁嗎！點知佢又剪左第二個先喎！好唔 gur 囉~點可以咁嫁！！哼.......等到成五點幾！先到我地剪！我地三點幾就去到喇！我陳小啤都未試過等人等咁耐嫁！！嗚........睇左好多雜誌，都唔知點剪好！彤彤剪完之後就到我喇！佢剪得唔錯''啊 ken 話幫我點剪點剪，但我 guess 唔倒囉~= =但我話：算喇！雖然我唔明，但我信得過你既！我將我個頭交俾你喇~死就死喇！佢就剪剪剪喇！剪左又好耐~起碼都有個幾兩個鐘囉！無奈........不過最後搞掂左！都剪得幾好~鬆左嘆氣....... 成九點幾先返到屋企！飯都未食喎！餓餓....*嗚！！返到屋企俾呀媽同啊哥係咁「夾攻」無奈囉~又話我剪到咁夜喎！山長水遠走去剪，附近冇咩？啊哥又話剪到成個飛女咁！！o 晒咀~咪同佢地係到嘈囉！！最嬲既係，彤彤返到去果陣，佢啊媽叫佢打黎問我返左未！擔心我！佢打左兩次！我返到果陣啊媽問我：你唔係同彤彤去剪嫁咩！點解佢又打左兩次黎嫁！咁喎！我呆晒囉.......真係好 hurt ~我好唔開心咁同佢講：你唔信我呀？？ o 晒咀囉！！我覺得佢有小小懷疑我囉！但我問心無愧既~我唔開心既係佢竟然會咁唔了解我囉....*之後就去左訓教喇~
|
