今日真係超爆開心呀!!因為我地贏左智社呀,唔洗做最尾!但今場真係好大壓力嫁~第一局!失自己囉,打到15:23~士氣都冇晒既時候,Lunch 問幾多號開波喎,後黎先知佢地計錯分!!係到嘈左好耐~其實 Lunch 同姨姨都冇所謂囉,佢地唔想傷大家和氣,但林 sir 、馮 sir 又唔制喎~要咩問清楚,馮 sir 就打電話去果 d 體育聯會到問!小玲又問喎~搞左勁耐!都成半個鐘...*原來以前從來都冇依個咁既野發生!唔知點算~最後話由球証判,搞到佢地好慘囉!手背又係肉,手掌又係肉!最後佢判左由14:18 開始!我地 14,但見有轉機,我地成隊人就士氣好高!有晒信心!之後一分一分咁過,終於贏左!佢地既士氣已經冇乜!我又開左成四、五球靚波!開得好靚嫁~因為搞左好耐!有好多其他社既人都黎睇!仲有好多唔同社既人黎幫我地群社打氣!好感動呀!!成場都係到吶喊~
第二局,大家都好緊張!但智社果陣已經打得好亂喇~但分數都好緊!有一段時間佢地領先兩、三分嫁~但又追返!!但我覺得自己打得唔好呀!因為殺波又 out 喎!搞到冇晒信心...*打得好差,好采有佢地炸!如果唔係.....我真係冇用呀 ~ 最後我地都係贏左!果陣真係開心到跳起嫁!!成隊人都好興奮,幫我地打氣果 D 都係喇!打完真係想喊嫁!開心得制!!維維同學同彤彤係到等我,維維同學話專登去買左杯熱朱古力奶俾我...*我果陣感動到真係喊左!過左一陣!彤彤話佢唔係嫁!!搞到我又喊又嬲,維維同學仲整左副好慘既樣對住我話我唔信佢喎!!好喇!信信信..*點都好,多謝你地黎等我同支持我!好感動呀~之後就換 3~彤彤話佢冇飯食喎,見我咁開心,我就話一齊食喇~之後我同彤彤同 xx 仲有 xx 去左維苑食飯!都唔知食乜,搞左勁耐,哈哈!俾我地見倒波波同 xx ,都係唔講喇!( 吊住你地條引 )哈哈!!食完野!就返屋企,見倒佢地係到撐台腳喎!我地走去笑佢地!哈哈...*好衰~
今日真係好開心好開心嫁!!有好多人支持我地群社呀!多謝你地...*不過嘉嘉唔好唔開心呀!冇野嫁~我地唔會怪你既...*智社既朋友,你地都唔好咁唔開心喇~大家都係 TST 既!!都係一家人~ |