很久又沒有打BLOG了，今日是1月27日，是踏入2011年的第27日，不經不覺都差不多一個月了。

2011年1月3日，那天是2011年的第一個開學日，亦是期中考「通識」的日子，那天也幾特別，我地番到學校由0800-0830溫習(平時無的)，之後0830-0915就伙去禮堂聽左好耐野，原因是有關「校長包庇校工非禮事件」(詳情請看《2010年的最後一小時》)，果日足足遲左1小時放學。

2011年1月4日至7日，沿著時間表繼續考試。

2011年1月15至16日，這兩天是St.John的新人急救課程上堂的日子，依兩日我都有番學校，作一個支援者吧。

2011年1月22日，這天跟了崔SIR去科學館，肥雄去科學館的目的就是打PSP，佢去有八成時間都係打機的，真厲害。

2011年1月24-26日，這三天是上學期最後的三天上學日(無計算錯的話)，這三天依然是被林SIR(中文)叫答問題的熱門，特別是「三寶」之後，果句揮春係咪寫得好好呢﹖我所指的不是首字好，而是個句野的意思，「長門友禧」意思朋友的千禧，擺明是見字拆字，見詞拆詞吧，但是「長門」點解呢﹖我遲些再同大家講，但你們記註是「長門友禧」而不是「長門有有」，下次再寫「涼宮春日」好嗎﹖到時真係唔知點拆啦！

今天是2011年1月27日，係學校旅行的日子，今年去鋰魚門好過上年那個吧，今日1000至1100係活動室同肥雄、灝哥玩大富翁，肥雄好正，我買左3個車站，佢就次次都走去車站，次次都要比750蚊過路費我，當佢就黎破產時，就已經1100了，果D活動開左，我地即刻去KARAOKE房果度。肥雄果三個宅男(唔包括我)去到又係打PSP，我唱左幾首歌，仲同肥仔樑唱左首「幸福摩天輪」，肥仔樑唱歌都好好聽GE，好正。時間到1230，我上去燒烤區果度燒烤，下次應該買多D丸，D丸唔夠食啊！不過最正的都係用燒烤爐來打邊爐，我帶左個煲去，我地煲好左煲水，之後由陳SIR(班主任)親手......