今日好鬼凍..都唔係幾想起身返學..雙眼都未打開就要擦牙..肥偉就打比我啦..返到去食野啦..今日有早會..又有週會..而我就最唔

鐘意..第二堂就要上電腦..老鼠又無返..得返我一個人去上電腦堂..都幾悶下..小息要係到數回條..唔得閒做數學功課..要等到中史

堂先做..上中文堂係到遊魂..完全好似無上過堂!!哈哈!!食先LUNCH返到去同阿頭係到捉棋..最後都嬴左..跟住同阿強捉到難分難

解既時候..阿SIR一個大海無量..我地就打和..MISS王無返..;所以中史堂係到睇電視..我要做數學功課所以唔得閒睇..上文學堂要

做話劇..全部人一齊抽籤..點知我好好運..竟然抽中左..激死我啦..六合彩又無得比我中喎..上數學堂係到做數..D數好深阿..唔係好

識做..放學佢地係到講緊去澳門D野..我咪八左過去聽下..返到屋企打左一陣機..又叫左阿妹去(多多麵)買麵食..食到好飽就去左洗

白白啦..出返黎打多陣機就比左阿妹玩..直到剛剛先可以係到打日記..