| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
2008 年 6 月 8 日 星期日  |
愛情究竟係.......  |
|
愛情係一種內心的情感流露, 一種科學解釋唔到的感覺,
就係因為咁, 千百年來都不斷有人問咩係愛情what is love?
點解咁多人問完又問, 因為佢地得唔到所謂的標準答案!
我眼中的愛情, 同你其他人眼中的可能有唔同,
因為大家經歷唔同, 有唔同體會, 所以愛情在每個人心中有不同定義and價值...
我個人覺得, 愛情係世界上最複雜的感情, 甜酸苦辣樣樣齊,
而且一旦投入就會無法自拔, 好似著左魔咁,
莎士比亞都曾經講過愛神丘比特之所以會被畫成盲眼, 係因為愛情會令人盲目,我好認同!
我覺得愛情甚至係一個人內心深處潛藏的一種強大能量,
發揮出黎可以做到超越自己想像唔到可以做的事, (即好似發揮小宇宙咁)
不過, 水能載舟亦能覆舟!
所以有人可以為愛情而偉大, 有人可以為愛情而自私,
有人可以為左愛情努力求生, 有人可以為左愛情一心求死!
但愛情有個特點, 就係發生在唔同人身上有唔同的化學反應,
所以當一段愛情完結左, 唔代表另一段愛情唔會出現,
如果一個人失去左一段愛情就要死, 咁佢好可能會錯過將來另一段更深刻的愛情!
愛情簡單黎講, 就係一場賭博, 係一個永恆變數, 有機會隨時改變!
要發生左先會知係d咩, 又有可能發生左你都唔知係d咩,
因為愛情在好多人心目中根本就係唔清唔楚或者極度矛盾 (有d人會對鍾意的人又愛又恨),
要捉緊愛情真係好難, 因為你根本都唔知愛情想點, 你控制唔到佢架, 只會係佢控制你!
但冇辦法, 愛情的種子在你出世當日已經埋在你心, 你可以冇愛情, 但唔會唔渴求愛情,
你可以做的就係記住愛情永遠係複雜多變, 越愛得徹底要承受的風險就越高,
你要清楚你未必控制到個結果, 但你係有責任的! 每個處身於愛情中的人都有責任!
自己要小心, 唔好一鋪晒冷, 唔好用你的所有做賭注, 如果唔係, 一旦輸左你就會好傷!
愛情係可以同友情, 親情同存, 咁先係健康!
點解有d人失戀之後可以復原, 有d人就會自殺?
會自殺的人係因為佢除左愛情之外一無所有,
因為生無可戀所以會尋死,
張小嫻都講過, 越擁有得多的人, 越捨不得死!
我俾你, 或者所有睇到呢個post的人一個忠告:
你可以在愛情中百分百付出, 但愛情不必百分百佔據你的生命
| |
|
宝贝,如果有一天你老了,老的连牙齿也没了,我仍然会吻你没有牙的牙床
|
