好快就到一月十三日啦!!!而家已經好驚!!!

以前家長日對我來講完全無有怕!!!

但係而家就真係好驚!!!唔驚就假啦!!!

今次分分鐘包尾都似!!!

真係唔敢想像到時阿爸會有咩反應!!!

好驚好驚啊!!!我都唔明點解今次會衰到甘既!!!

科科都考得好差!!!前所未有既差!!!

我都知我懶唔起!!!但係我D自制能力都唔知去左邊!!!

完全唔識得控制自己D時間!!!真該死!!!

應該做既我唔做!!!唔應做既就做到足!!!

該死!!!該死!!!該死!!!

家長日!!!OH NO!!!該死的家長日!!!

討厭!!!討厭!!!討厭!!!

要來既始終都要來!!!

是福不是禍!!!是禍躲不過!!!

一切已經太遲!!!只係我自己唔識得點去面對!!!

洗左幾十蚊去睇套戲!!!

搞到驚到而家!!!

尋晚仲要驚到唔敢訓!!!

呢D就係犯賤!!!

我都唔明點解我會甘驚D甘既野!!!

真係好恐怖!!!唔識得點形容!!!

總之有少少恐怖既戲都唔岩我既!!!

甘既人生又少左好多樂趣!!!

今日返去學校補課!!!原本諗住都要補到十二點幾既!!!

點知十點返到去十一點幾就放!!!無奈!!!

但係我三點又要去旺角補習喔!!!D時間唔三唔四!!!

所以就打俾楊异明睇下有咩搞!!!原來lamhui今日又休息喔!!!

之後就約左出來睇戲啦!!!叫佢地睇投名狀佢地又唔制喔!!!

甘就睇魔間傳奇啦!!!我原本係以為講D咩魔咩怪果D既!!!

點知原來係講 喪屍 !!!oh no!!!我平時睇佢地打機我都驚既!!!

而家仲要係睇戲!!!可想而知我係幾甘驚!!!

我坐係最後排最中間果個位!!!最估唔到既就係個喇叭係我頭頂!!!

D聲超真實!!!超震撼!!!嚇到我唔知做咩反應!!!

我都唔知點解會甘驚!!!好似成間戲院都係得我一個人係度驚!!!

我又唔敢叫出聲!!!係甘掩住個口!!!超緊張!!!

成套戲俾佢嚇左四次!!!兩次都係閂門果下!!!

有一下就係隻喪屍係實驗室俾人試解藥果野!!!

仲有就係隻狗死之前果一野!!!

嚇到我縮埋一舊!!!超樣衰!!!

仲有果D就係對我來講太緊張刺激既情節!!!

成套戲都幾好睇既!!!不過對我來講就真係刺激加驚嚇左D!!!

 

星期二果日又同細佬去左睇魔幻羅盤!!!都唔錯既!!!算係值得一睇!!!

始終都係魔幻片岩我多D!!!不過同細佬去睇果陣都俾套野嚇左一跳!!!

之後仲要係兩條友攬埋一埋!!!係甘話驚!!!

哈哈哈!!!而家諗返起都唔知當時驚咩架!!!

不過當時真係好驚!!!真係唔嚇得!!!

就係睇戲已經無左百五蚊啦!!!睇來我件外套都係買唔成架啦!!!

 

搞到我而家都驚驚地!!!唔係好敢訓覺!!!驚驚~~~ ~~~驚驚~~~ ~~~

搞左一大輪!!!終於睇到sammi既演唱會啦!!!

部腦睇唔到DVD!!!超煩!!!搞左好耐總算睇到啦!!!

真係好後悔去唔到現場睇!!!真係超正!!!

我都唔知點解!!!真係超鐘意佢!!!真係好有格!!!

無人可以型得過佢!!!下次佢再開演唱會既話我點都要坐頭等睇!!!

雖然唔知要等到幾時!!!不過我會期待果一日!!!

唯獨你一個是  不可給取替~~~ ~~~

真不愧為我偶像!!!勁啊!!!

十九八七六五四三二一~~~ ~~~Merry Christmas!!!

年年都係睇電視睇人倒數!!!都唔知幾時先可以出得夜街!!!唉!!!

個個打來第一句就係問我今日點過!!!

唉!!!唔使問都知答案架啦!!!

霍亂尋日一早就打來俾我問我今日點過!!!

咪又係甘!!!邊似得佢甘精彩!!!聽佢講果邊既生活真係唔錯!!!

佢出左去甘耐都係第一次同佢傾甘耐電話!!!傾左差唔多成個鐘!!!

電話費太貴啦!!!不過佢都幾醒丫!!!識得去男朋友屋企先打!!!哈哈~~~ ~~~

如果我打去同佢傾一個鐘真係~~~ ~~~$8/min!!!

甘耐無見!!!真係有D掛住佢!!!好似只有係佢面前先可以毫無顧忌甘講野!!!

完全唔怕失言!!!同佢一齊好舒服!!!簡簡單單!!!談天說地!!!好似拎起個電話就唔捨得放甘!!!

兩個人一齊發下夢!!!各自吹噓一番!!!一齊大笑!!!唔開心!!!壓力!!!一切一切講完之後都可以一笑而過!!!

真係好懷念以前既日子啊!!!