今日用左一日時間去煲曬成套花樣少年少女!!!都幾洗時間!!!我諗短期之內我都係唔好煲劇啦!!!我驚會睇上癮!!!講返套劇!!!真係好好睇!!!好搞笑!!!好唔捨得甘快就大結局!!!仲係好想睇啊!!!個結局都唔爽既!!!如果有另一個結局就好啦!!!唉!!!就甘就洗左一日時間!!!好可惜!!!咩都無做過!!!聽日要做曬D功課先得!!!實在太多啦!!!

      今日我有三堂"吉"堂!!!有一D就三堂Chem!!!佢地要測驗!!!今朝返去佢地已經係甘話邊個幾點訓邊個幾點醒!!!又話溫唔曬!!!又話唔識!!!都覺得佢地幾慘!!!到左要測驗果堂仲誇張!!!個個叫苦連天!!!簡直可以話係哀鴻遍野添啊!!!真係要幾誇張有幾誇張!!!睇到都覺得佢地辛苦!!!我果三堂都幾勁啊!!!一次過抄好左兩本筆記!!!幾滿足啊!!!難為佢地啦!!!我地一返到課室個個行屍走肉甘既款!!!哈哈哈!!!突然發覺今日我地班多左好多隻國寶啊!!!放左學玩左陣就過黃金買電話既保護貼!!!行左一圈最後都係係近入口果間買!!!原來全部都係要廿五蚊!!!有D仲貴添!!!行完就去麥記坐左陣!!!笑飽之後就分道揚鑣啦!!!兩個要去補習!!!我同Tracy就返屋企!!!甘就過左一日啦!!!聽日又到星期六日啦!!!話甘快就一個星期!!!呢兩日要訓飽佢先得!!!

      尋日十五!!!阿媽好堅決唔俾我洗頭!!!好唔公平囉!!!細佬就洗得!!!我就唔洗得!!!搞到我個頭就好似成堆草甘!!!今朝返學幾難頂啊!!!D風吹一下就打曬結!!!想朝早洗!!!阿媽又話唔可以!!!連洗頭都要偷偷摸摸!!!咩道理???今日一返到屋企就沖涼洗頭!!!即刻成個人都舒服曬!!!長頭髮就係有呢個煩惱!!!其實真係唔明點解係初一十五唔可以洗頭!!!連洗頭都要擇日子!!!仲要男女甘唔平等!!!男仔就無所謂!!!好仔就萬萬不能!!!好唔公平啊!!!呢D咩道理來架???不過唔公平唔公平甘就忍左廿年啦!!!都唔知邊個整呢D習俗出來既!!!討厭!!!

      今日無英文堂幾易過啊!!!真係貶下眼就一日!!!好正!!!不過聽日就難頂啦!!!聽日有兩堂啊!!!仲要係下午先上!!!點捱啊???諗下都起雞皮啦!!!

      尋日入左屯門!!!十一點先返來!!!今日又去阿叔度!!!九點先返來!!!兩日都無做過野!!!好頹廢啊!!!就甘白白洗左兩日!!!又唔夠訓!!!聽日話甘快又要返學啦!!!放假等於無放!!!

      尋日係屯門同細佬佢地去公園玩!!!見有兩個鞦韆係度!!!不過就係褲形果隻!!!我跳左上去坐係度!!!對腳"店"唔到地!!!要人推先得!!!過左一陣就停左!!!原來我係唔識盪鞦韆既!!!真失敗!!!

      尋晚煲大話妹煲到差唔多兩點!!!睇完曬先訓!!!睇到果集個女主角要離開男主角!!!同佢阿爸係機場喊果陣!!!搞到我又喊又笑!!!幾辛苦啊!!!話時話!!!機場係一個令人又愛又恨既地方!!!因為最憎就係離別既場面!!!但係無離別既傷感!!!就唔會有重逢既喜悅!!!你話人生係幾甘矛盾!!!唉!!!

      今朝十一點阿爸就打來嘈醒我!!!話過去我阿姑度拜年!!!不過就入左屯門市中心飲茶先!!!我又唔識路喔!!!都唔知係邊落車!!!原來屯門市廣場就即係屯門市中心!!!幾經辛苦先穩到果間稻香!!!始終都係好彩D野好味D!!!之後行過"3"既門口!!!就諗住去續埋約!!!點知最後係買左兩部機走!!!可以話係買一部送一部既!!!月費都可以接受到既!!!之後就上左阿姑屋企!!!點知佢地又係都話係度食左飯先走!!!盛情難卻!!!最後就留低食飯先走!!!出左去出邊食!!!都OK既!!!唔錯!!!十一點先返到來!!!好眼訓!!!今日又無"店"過D書!!!甘又一日啦!!!唉!!!時間過得真係快!!!