COBI夜晚無啦啦發燒,今朝都無事,仲有胃口,有精神食野,係多左咳,琴晚都無既,都即時餵左藥水佢食先,

之後就無理佢喇,就咁睇左2個鐘既barney,就話眼瞓,好啦,之後8點幾佢起身,老公最先發現佢有燒,即同佢探熱..........成103度,即同佢沖個涼,落樓睇醫生,原來佢係氣管敏感,引至咳同鼻水,叫左佢係學校要著外套又唔聽,成日話唔凍唔凍,終於出事喇!!最驚就係發燒lee樣野!!

餵妳食藥一肚火,未食就喊定又叫話唔食lee支,唔食果支,大姐呀,有得咁架咩,鬼叫妳病呀,緊係要食藥架啦,未食就反胃,一食就真係激c我,

攪好哂,沖多次涼,再餵,又係咁,有耐性都變無哂耐性啦我夠知妳嫌d藥苦又唔好食,但無計架嘛,妳老豆仲叫我俾妳抖抖先再食,真係咪玩啦,抖左咪仲驚左食藥,最後無奈之下咪只有的妳去廁所,除左件已污左既衫,係企缸食囉,起碼再嘔我都唔駛再抺!

保妳大呀,唔該妳快d好返呀,未好返哂之前,千期唔好再錫細佬,2個都病既話,我會無命架!!