09.5.2(6)
親子相架
一早9點幾就起哂身,
蒸左一碟燒賣俾佢地食,成30粒,
阿仔就食左6粒,我都只係食左幾粒咋,
其餘COBI食哂!!勁~~
邊睇班尼邊食,阿仔好投入~~
2個都係班尼迷咁,如再開舞台劇,
一定帶你地去睇~~
原先諗住佢地食飽飽,教埋COBI功課,
就開功整餅餅,蛋糕.....
點知整到親子遊戲,就玩上癮,停唔到,
同佢整左隻貓,就再整埋迷你電視,
跟住醒起學校有活動,係整相架,又玩心興起,
繼續整整整,COBI幫我手,將D廢紙摺入廁紙筒到,
時間咁就過左粒幾鐘,終於完成左,
好開心,因真係有度過點整架,D圖畫完又畫,勉勉強強算,
因我D畫功好一般!!
到左揀相,又揀左一段時間,
我同COBI既相,係去迪迪尼時影既合照,
當時拕緊昊哲,所以塊面好圓碌碌
而老公就揀左側面既,原因係佢既側面好睇D囉~
阿仔既就揀左某日係公園玩時既開心樣,
4個頭,咁樣加埋落去,都幾好睇~
就係咁,原先想整幾款烘焙食品,
最後只有時間整一款~~
仲要係半夜先整好!
睇左張野,都仲未知爭左D乜,
到返到學校睇到其他家長整既,原來寫少左一句野,
好在最後都補得返~
09.5.8(5)
得獎
今日接放學,有JELLY拎返HOME,
COBI有份整架,大家小朋友都攪下,之後倒落模到,
學校都好有心思,小朋友有得玩,有得學之餘,
仲比我地感受到佢地既真.............
返到屋企,佢話要食喎~
乜唔係俾我架咩???
好開心,個相架有份得獎,
睇左好多家長整既相架,好多都好有心思,
對比返反而覺得自己整既好普通,
當知道有份得獎,
真係好開心好開心好開心...(唔識點形容)
初時仲諗住係比家長投票揀得獎者,
仲揀定左一位家長整既相架,果個相架真係好有心思,
用通粉,綠豆,紅豆,眉豆...砌出圖案!!
不過原來只得學校老師揀選!!
當然有咁多咁有心思既相架,得獎者唔止我一個架!!
我諗若無貼返句野,都未必有機會得獎呢,
果句野就係:
[MAMA,I ♥ U]
獎品都幾實用,
係一個可以收藏物件,同時亦可以當凳坐既箱,
用黎俾阿仔坐岩岩好,
唔會吊腳!!
|
