09.5.27(3)

白普理

2,3,4,5月份生日會 & 端午節慶祝會

今日係cobi學校既生日會,

佢一直都有問,有無生日蛋糕,

原先係諗住由TKO返黎之後,就整定今日食,

但實在太攰,真係無精神整,

但cobi佢好期待咁,

仲好攪笑話,媽咪妳攰,咁叫darling姨姨整咪得囉,

真係俾佢笑c~~

最後係早上臨急整左個

[芒果乳酪流心凍餅]

只係雪左一個鐘,幾驚唔成功呀,

好在都成功左,味道仲岩岩好tim,

不過下次都係買返安怡芒果味乳酪好d!!

去到cobi見我一個到,唔係好開心,

因佢好想細佬,baba都黎哂,

我無帶昊哲去都係因佢瞓左咋,

最後見到佢苦哂樣,就打俾老公,叫醒阿仔一齊黎lee個大食會,

一見到細佬同baba,cobi即開心哂~~

今日都真係好多野食,蛋糕都有好多個架,

不過老師當然無切哂,因太多野喇~~

左邊既藍莓蛋糕,係其中一位家長係美心買,

覺得個款好靚,就影底左,

最右邊既係張太整既[士多啤梨撻],

原來個皮係張太honey用段估方式整,

咁都整到,勁呀!!

小朋友佢地好乖,好守秩序排隊拎野食,

見到佢地真係好like食生果,真係好呀,

d生果係某位家長拎黎,

好新鮮架~~我覺得西瓜最好味..哈哈~

自己媽咪整既野,張小朋友好識咁擺pose影返張靚靚相~~

昊哲一到,cobi d同學仔即圍哂果黎,好攪笑呀,

我同老公想坐埋阿仔身邊都唔得~~

佢地真係好鐘意小朋友呢!!

知道盧先生仲未食過今日既凍餅,

就叫左佢過黎食,

好在有叫,唔係既話佢實係facebook講自己無得食,

不過佢食得好投入,俾羅老師整古都唔知~~

lee張相昊哲有笑,

羅老師真係要多謝盧先生喇!!