今日12點幾,羅老師打黎,話COBI腳上有一點點,同埋話食野時個口痛,
叫我即刻接佢睇醫生,我真係超快9秒9咁換衫,再的起瞓緊既阿仔,放係心口揹住,
就衝落街搭車過去~~
係途中,一直諗,無可能係架喎,佢又無發燒,出門口時又CHECK過,無架喎,就一直諗呀諗..會唔會係水豆呢??
終於證實COBI真係中左手足口...唉..好在佢未燒又精神,醫生叫我唔駛擔心,仲叫我俾雪糕佢食,快d好..=.=""
佢都仲係初期,仲食到野,下午仲買左蟹子壽司俾佢食,食左4件( LEE點老公話我同個醫生一齊癲,仲咁好買壽司食.... 咁醫生都話佢食熱野會痛,咁緊係買凍野俾佢醫肚先啦)
同時又食左飯(佢見我盒飯好好味咁,點都話要食少少)
晚餐就食左粥,暫時未係問題,反而我係驚半夜同埋聽日囉,驚佢發燒,又驚佢喉嚨突然出多左水泡...>"<....睇醫生時,聽到醫生話食雪糕對佢好,我真係打左個突....
依家lee個菌又返黎喇,醫生話有好多小朋友都感染左,大家都要小心d呀,我無帶COBI落公園玩好耐架喇,都中左~~
|
