我同成間學校既家長一樣,都"誤會"左張通告既意思....
其實聚餐同畢業典禮係分開進行既,只係學校想多D人參加個聚餐,而令我地家長"誤會"學校"迫"去~
今日我都同校長講,如果張通告係寫明又分2 PART既話,我相信我唔會"誤會"左囉~

不過校長既解釋係:刻意要咁做,因驚無人去聚餐"

LEE點中,我就同校長講:
雖成班畢業班既各自既生活水平我係唔清楚,但都知當中係有人係低收入家庭,張通告咪令佢地有好大壓力?再講N班,佢地想俾仔女都參加,點知一睇到張通告發現,原來間學校係要俾錢食埋聚餐先可以參加畢業典禮...今次張通告內容,可以話好大問題"

成件事入面我唔係著重哂要俾錢,而係我係學校既角式扮演~

今日真係有家長企係學校門口,當時我都未將阿女帶入學校,
她就話:琴晚想打俾妳呀,但驚妳唔得閒,張通告係咩意思呀,畢業禮點解會咁架...?"
我只可話:我都係琴日先知....

聚餐一個大人百幾蚊,話貴又唔係話好貴,平就一定唔平,
但都可算是有記念價值,有相可作為記念..作為一個家長,只係想俾到個小朋友有個開心既畢業禮,

學期中我提議學校去迪迪尼做畢業旅行,大人同小朋友都差唔多俾返正價..
覺得同米老鼠一齊影返張畢業大合照,小朋友一定好開心又難忘,若真係舉行的成,都好有記念價值.....我都叫學校做個意見調查...

我地家長幾時都會支持學校,都開心咁岩今屆係創校20周年,有聚餐,都會參加,只係佢地今次既活動都行錯左步伐~

今日校長同我傾返成件事,聽左之後,成件事係順氣左,但係我自己立場,我係唔服~

可能學校覺得,我唔應該有此反應,畢業典禮話哂唔關家教會事,唔通知我一聲都是應該...
如果學校張通告唔係出現左問題,今次事件都唔會發生...

有家長今日打黎氹我出席聚餐慶祝會,不過我仲未順哂條氣...
當早上知清成件事後,心係舒服左少少,但都仲有屈住既感覺,一早知或打清楚張通告,肯定自己會即時俾錢參加~~