同阿媽講左,今日會返去食飯,佢都係11點幾12點打過俾我,問幾點返去,答佢話起身架喇,點知轉頭我又瞓返,仲成2點先起身TIM,攪好哂出門口,再加到大埔時,已是4點幾;係大埔中心落左車,不過都無咩野買到,只係去左以前我成日去食既[咖哩至專]食個TEA,點知好失望,D野無以前咁好食,真係差左好多

行出返大埔墟,即去左2蚊店先,買唔到"巴巴夾",有D失望,仲諗住一定有TIM,好彩都買左一隻POOH碟,螢光筆,橡筋4條,加埋都只係$6,如唔係COBI要去大大,我一定會揀多少少野買,攪到我買漏左洗衫袋

之後再去左[好多多]買左馬仔啦$19.9,24包蔬菜味百力枝,24包3角形餅仔,超抵呀,只係$8.9一包,家興要成$10.5咩都貴哂!!

到左夜晚食飯時,COBI竟然好乖咁,坐定定食飯,仲要每樣餸都有食TIM,又要食得快,真係好少有!!覺得佢似做戲俾婆婆睇多D!!

同媽傾坐月既事,想唔到佢肯陪我坐月呀,真係好開心,個心當堂定哂,COBI返放學都無問題,自己又唔駛日日落街,媽只係幫我星期1-5,星期6,日就會返大埔返餐廳果份,因果2日無人頂到佢個位,世上都係媽咪最好!!