聽日老公正日生日喇,所以前日上網搵左幾個蛋糕食譜,揀一個CAKE黎整,係未整過既,後來又心思思想試整Crystal學既CAKE,琴日仲走左出去買材料,點知主打cream無哂,得返大盒,無奈地轉整另一隻!!

當然要揀個睇落易整架啦,最後就揀左未整過之餘,又未食過既--[木糠布甸蛋糕]

頭先4點幾整好左,係雪箱到,諗住雪硬D食,上網睇到有人話雪硬D口感好D喎;

係整既過程中,又出左事喇,就係頭2浸砌得薄過頭,剩好多CREAM啦,好彩屋企仲有瑪莉餅咋,即時整半條打碎,再整多2層,唉..都唔知點解次次都有咁既事發生既!!

放到8點,唔知脫得模未呢,好心急想知蛋糕既結果係點呀!!!!

希望好食啦!!

今次老公返到黎,唔知會係咩反應呢,希望唔係同上次一樣啦,我連個盒都買埋架喇!!千其唔好俾冷水我飲!!