哈哈...今次老公真係估唔到我會夾埋阿皮俾個驚喜生日會佢

唔話俾佢知個FD會上黎,亦唔話俾佢知整左個蛋糕,呵呵!!真係幾成功!!

老公一返到黎屋企,就沖涼先,我就整返熱D餸俾佢食,野飲又一早拎定出黎,等佢無機會打開雪櫃,HA,佢一打開雪櫃,就一定知有唔妥既,緊係點都唔俾機會佢啦!!跟住又繼續扮哂野咁煮野,佢就係廳玩仔(見到對仔女未瞓,都幾奇怪架喇,平時返到黎,2個都瞓哂架嘛,好在都打發到佢)...........係到等等等,終於門鐘響喇,老公好奇怪咁夜邊個按鐘,我又扮哂野咁望出去,話係阿皮(其實係睇唔到係邊個),叫佢開又唔開,話抱住左阿仔,只好我開啦,不過都知佢係好surprised既,有FD上黎同佢講生日快樂!!

12點鬆少少時,佢提我講生日快樂,當時以為我唔記得左佢生日,仲串我...唔緊要,我忍....第一個驚喜得左,到第2個,佢見到我拎個蛋糕出黎,O左咀喎,眼都登大左D(俾D面佢,形容咁多夠喇)..............初時以為我係買架:

今晚氹到老公開心之餘,自己整得成個蛋糕,個心都好興奮!!

要感激阿皮先,收左工咁夜都肯上黎同老公慶祝生日,真係THX呀!!