今日昊哲已經比平時扭,可能係因為無得瞓,原因只得一個,COBI唔駛返學!!瞓左都好易再醒返,攪到唔夠瞓!!

全日都扭住抱,到左夜晚11點幾,餵左佢飲奶,醒起COBI夠鐘食藥,佢自己初時都醒,話要係廁所食,點知食左行出廳食粒糖,一坐底佢就嘔,

真係好嬲呀,明知想嘔又唔行定入廁所,攪到成地都係,邊鬧佢,自己都喊埋出黎,雖然佢知自己嘔左果陣,佢係好驚,但我真係忍唔到,就係咁鬧鬧鬧,邊喊邊鬧仲叫佢唔好叫我做媽咪,我唔係佢媽咪,知咁講係唔岩,但果刻真係忍唔到,都唔知點解會咁;

由佢嘔左果陣起,昊哲又喊埋,老公抱住左都係咁大喊,應該係俾我嚇親,同埋覺得佢好似知我唔開心咁,抺返好達地,再餵多次COBI飲藥水,就從老公手上抱返阿仔入房餵奶,但個心都仲係UP住UP住,攪到邊餵奶邊喊!!