晴晴昊哲@大埔海濱公園

琴日阿SA同埋SA公入黎大埔同我地一家影相,相約左去海濱公園,初時係約左4點架,不過因我要餵奶,遲左出門口,成4點幾先到達大埔!!真係唔好意思呀!!

我地之後就搭的過海濱公園,COBI仲要痴住阿SA一家坐,唔同我地一架車,全日好似得我同黎生昊哲先係一家咁,COBI係都要痴住芷雅玩!仲要坐埋芷雅既私人車仔TIM點都唔肯落地!!

海濱公園D景真係好靚,好岩影相,不過COBI好唔合作囉,下下都話唔影,玩哂性格,好在仲有昊哲俾黃生影下等佢唔會覺得今日影相無哂意義!!雖然我地成5點幾先到呀,但都係熱到爆燈,黃生仲好似邊同我地影邊沖涼咁,D汗無停過,真係辛苦哂你呀!!

我地去左搖遙望搭,COBI唔肯想,係地下同芷雅玩,聽SA講佢地仲一人一啖咁飲水,睇返段片,佢地好攪笑呀!!但我地落返地時,芷雅喊緊,原來佢跌倒呀,初時以為係COBI同佢玩時整親,佢整損左["失"頭哥],我地身上無膠布,COBI反而有,放係八達通入面,估唔到佢有時收埋D野又幾岩用架喎!!

影到6點幾就走LU,行左去大埔中心餵奶先,因太耐無行過條路,估唔到都幾遠,令阿SA佢地行左好多路,早知搭的算,

之後再行返去大埔墟食飯,去左[和暢]到食,今次終於食得返蝴蝶楠喇,仲有得獎名菜:桂花翅TIM,同埋客家咸雞,不過今晚無鰂魚食只好改食豆卜火楠碎炆牙點,都好好味!!

HEHE~~阿BA今晚早左收工,可以同埋我地一齊食TIM!!

食飽飽都成10點喇,就各自歸家去!!