今日老公話返大埔,襯依家仲未搵到工,陪我返多d!!
11點幾就起左身,諗住早d返去,點知醒起今日係家長日,好在羅老師醒,編我係下午12點15既時間!!

見完都成12點40分喇,媽咪3點又幫人抺屋,覺得唔駛咁早返去,就好慢條斯理咁餵奶,煮野食啦,無奈差唔多3點時,媽咪先打黎問我係邊,後再提返阿ba5點先出門口返工,嚇得我即拿拿聲換衫執野出門口,岩岩好趕得切返到去,雖然阿ba係預備出門口,但都唔理咁多喇,即俾昊哲佢抱上手先,只得一陣都好過無!!

有時間出去行下既時候已經係6點喇,所以出唔到大埔中心行,就只係行左大埔墟,一心諗住買部[迷你卡通窩夫機],點知行哂成個大埔墟既7-11,都無囉,好失落,估唔到咁難買!!

部機真係好得意架,所以好想買!!