連續幾日都無精神,今日襯有少少,就打返LEE幾日發生既野先!!

第一件當然係8月8 號去既BB展啦,老公係第一次去咋,未去前就覺得"哂'車錢,去完就話抵去喇!!

果日真係唔該哂阿RAIN同雯雯,幫我買左飛先;原來攪哂2個,係好難計得岩時間出門口,就算7點幾已經起左身都無用,唉!!

10點幾開始行,行到3點幾先走,比起預先諗住走既時間,遲左成3個鐘,中途只係餵左2次奶;今年無買過野,齊行拎贈品,最開心係拎左尿片,同埋口水肩!

戰利品

今年最靚又好用既,係雅培既大金金袋,真係超大個呀,拎左3個,留返一個俾媽咪用,hehe!!

另一樣好野就係A+既風扇仔喇,拎左2個,會閃燈,不過一開就係幫A+賣廣告囉!!

再另一樣就係fisher-price口水肩喇,係膠質地架!!

再有就係水泡喇,係迪士尼公仔圖案,幾靚下,覺得最靚係黃色,不過無哂,得返綠色,好過無!!拎哂2個!!第時cobi,昊哲唔駛爭餐c,同一色,同一款!!

lee本野係填迪士尼張from送,雖然本野係過時,但cobi一見到就即搶喇,可能係有史迪仔既關係掛!!

接左cobi放過之後,就去食野,嘩...我同老公真係餓到扁哂,朝早只係食左幾舊杏仁片蛋糕,就無再食過野喇!!

返到home仲未有得抖.餵左奶就即返大埔食飯,真係攰到想c呀,原先係諗住返去幫阿媽炒硯,點知d硯係c哂,無得炒,但好可惜呀,d硯好大隻架!!專登返去無得食,阿媽聽我講就好喇,就唔會養c左d硯,唉!!

好在都仲有阿媽煮既田雞,都仲有餸食!!邊睇奧運,邊食田雞,頂呱呱!!

薑蔥爆田雞

一日去2達地方,仲要係屯門,灣仔,屯門,大埔,屯門...真係暈暈地,第2日我對腳勁瘀痛!!

乜昊哲真係好女仔咩?明明著左好男仔既衫,BB展果日D人多數都係講同一句:

[BB女好得意呀,佢幾大呀?].....