屯門新墟近市中心果頭,開左間--[包點先生],星期日果日出去,已經發現左,仲買過黎食,嘩...一食就上左癮咁,好好味呀!!琴日一經過,就又買2件黎食,返轉頭行新墟,又買買多5個,暫時只係食過幾隻味,未試勻哂!!

COBI就鐘意食馬拉糕,佢真係好少有地,一個人食哂成個架,琴日買左個,唔駛一陣就俾佢攪掂左,仲食到驚我爭黎食,都未吞哂就又拎一舊想放落口!!

我同老公暫時就愛食紅豆沙包,芝麻包,好軟熟架!!

有D想試下鮑魚包,乾搖柱包........但就成10蚊個!!唔係好捨得買黎食!!

~~~~~~~~~~~~~~~~~~~~~~~~~~~~~~~~~~~~~~~~~~

每次出親去,都想去彩豐行買野,但就下下都唔記得左,無左件事!!

想買綠茶粉又買唔到!!!唔需要買時,就周街都好易見到,激C我喇!!