8月12日 (二)

今次既活動係cobi學芭蕾舞既單位攪架,下午5點半集合--夜晚9點,有旅遊巴由屯門出沙田,仲要係包來回,再加全程係free架!!上左車之後,MISS仲派麵包俾每個人,話驚小朋友會肚餓,MISS真係好人呀!!除左麵包,仲有M記換領卷tim呀,可換到一杯可樂&一個豬柳包!!

原先無哂位架,仲諗住無得去TIM,真係唔該哂芯悅媽咪打個TEL俾我呢,等我打返去同MISS講返;今日我仲叫埋Crystal一齊玩tim呀,順便拎埋烘焙用具俾我!!

一去到就見到幾隻福娃喇,個場景當然係今年最hit既奧運做主題啦,第一時間緊係影相先啦!!hehe~~~今次又影到全家幅喇,唔該哂kk呀!!

跟住就行入場內,見到小丑扭波波,就即去排隊,但條龍好長呀,就分頭行動,揹住昊哲排--畫扇畫,焯瀅同cobi係到油呀油呀,cobi果幅油到都唔知似乜,後來黎生先知係個公仔游緊水既圖案!!(全部灘位遊戲都係以奧運黎做主題架!!)

時間岩岩好,就去拎波波lu,焯瀅要把劍,cobi就要左隻貴婦狗!!後來影多幾幅相,就閃人喇,一來太熱喇,成身出哂汗,巧辛苦啊!!!2來就係阿仔要食奶喇,唔閃唔得!!

餵飽左個仔,crystal就返home食飯喇,我地就順便行下,但都唔係剩返好多時間,都好過無既,行左一陣一田百貨既超市,之後就行citysuper,買左舊芝士就閃去集合坐車返屋企喇!!

咁岩今日昊哲滿4個月大呀,哈哈...出沙田玩當係慶祝!!不過老公覺得有d無謂,但我就覺得今日幾好呀,最主要係親子樂啦,到時佢返左工,就無咁多時間陪我地架喇,依家有咩地方,我都一定拉埋佢一齊去!!

玩得好開心架!!...不過真係好熱呀~~~

回程喇,細佬一上車就瞓左lu!!cobi就同baba玩到傻下傻下~~~~

lee個就係crystal幫我買既烘焙用品之一 ....麵包模喇,好靚架,$150咋!!