今日出左上環整D野,之後COBI見到船,問係咪去搭,係佢好期待既眼神加熱切既聲音,我地決定同佢搭船喇!!

都好耐無搭過喇,以前都無咩機會搭,最近果次搭已經係04年既事LU,仲要係搭去梅窩玩,諗返起都開心既!!

今日我地揀左下面黎坐,不過好多人呀,坐既位置勁熱,COBI就好興奮,老公抱佢係船邊睇風景,初時頭一下無野,下一刻佢竟然過返我到坐底,唔肯過返去,問點解啦,個傻婆話驚跌左落海!!之後開船喇,感覺到架船郁,老公講會攬實佢,唔會跌落去,令佢有返安全感,就肯走返去船邊睇風景喇!!

落船後COBI問會唔會搭多次,應承左佢會再搭,不過係下一次!!

難得係尖咀海滂,緊係影返張相先啦!!

老公話要同李小龍影返張合照!!

去得尖咀,緊係順便去埋星光大道整埋手腳模啦,不過3年後既今日,貴左好多呀,COBI果時手腳各一隻,連埋架(無框盒)只係$300,細佬依家整,如好似家姐咁既,都要$440,問左加埋盒面成個框,就$540,咁緊係要埋個框架盒啦,有埋玻璃面,起碼唔會封塵先嘛!!不過成個盒都係用木造既,好似有D化學咁,仲收得咁貴!!無奈俾左錢,無計啦!!左邊痴左昊哲既手腳,右邊就會痴返COBI既落去,中間將會貼返佢地各自既2張相!!

昊哲今日都辛苦,又熱,又悶咁,不過佢好似越熱就越瞓到覺,今日佢都瞓左成2次!!

一日入面去左香港區,再到尖東,成10點鬆D先返到屋企,超攰!!