越諗越唔開心,攪到瞓唔到!!

COBI 件芭蕾舞衫俾人調轉左,係8月頭既事,都唔明點解會調轉到,佢果件係L碼,幾大件,買時果個人就係話M碼佢會好快唔岩,叫我買L;依家轉左返黎果件係M囉,真係好HURT呀,買左無幾耐咋,著唔到幾次,超新淨!!

個彩雲MISS佢遲10-15MINS先到跳舞室,但放就好準時,都唔知佢點做MISS既,唔想教咪出聲囉!!果日我晏左少少去接COBI,都只係6:05PM,當時有另一位MISS在場,見到佢個袋無左件衫,就望下啦,但放既位置唔係向佢本身放書包袋既位置,而係好入,根本件衫就唔係佢既;而果個MISS已經走左,同唔到佢講!!

好啦,到下一堂,話返俾佢知,佢又話幫我問,點知落左堂就無左件事,好快咁閃左人;咁唯有再下一堂,好啦,上次話幫我打去問D家長,到依家都無覆過俾我,真係好過份!!

而調轉左件衫拎走左既家長,亦都好過份,咁耐點會唔知呀?件衫大咁多;

知自己都有錯,錯係唔記得MASK返低個名上件衫到,但無諗過會俾人調轉架嘛,COBI幾次都會放返係原位既!!不過自己都係錯左第一步既,依家只好嬲埋自己!!

希望果位家長自動出返黎啦!!