坐車時,悶悶地,玩下自拍啫,點知COBI笑到癩左咁!!

今日返左大埔食飯,仲拎埋自己整既中式月餅,媽咪見到以為又係冰皮,嚇C佢,咁岩我用左冰皮袋裝住,所以先誤會左!!

知佢係開心架,雖然未知整得好唔好食,但個女整俾佢喎,個心一定甜哂啦!!(唔知COBI大左,會唔會咁對我呢?)hehe~~佢都係俾個餅既樣呃左,話睇個款好似好好味咁!!

出門前,自己試左一個,個皮硬,要叮一叮先好少少,味道就麻麻地喇,出年要再努力D先得!!叫定阿媽,食唔到就只係食個餡,唔好食皮!

食飽飯,就幫佢地影幾張合照,COBI同昊哲真係古靈精怪!!

之後就返屯門lu,不過仲未完架,返到home,放底阿仔俾老公睇,就同cobi落樓下青田公園玩喇,仲約埋同學仔一齊玩tim架,佢今日真係超開心喇,婆婆買新燈籠俾佢玩,我就帶佢落公園玩,今晚過得好充實呀,10點幾玩到差唔多12點先返屋企!!佢玩到根本唔願走!!