08.10.23 (四)

因為屋企琴晚停電,就走左返大埔瞓左晚,

叫左細佬同我一齊搭巴士,可以慳2程巴士錢..呵呵!!

原先係諗住帶埋cobi既,不過老公唔想佢少返一日學,

就唔俾佢跟我喇,好在琴晚只係由半夜12點,停到3點到啫!!

老公話返我知,cobi真係瞓到出哂汗,緊係啦,風扇都無得開,

所以我帶埋個仔返大埔瞓係無錯既!!

瞓醒就即去婆婆打工既餐廳食早餐喇!!

出發前影返張靚仔相先~~

趙太叫我搵埋佢,好啦,落到樓下等van仔,等左好耐都無一架岩,

又咁橋楊太同佢2女出現喎,仲係出大埔中心tim,

我地就改為搭的士喇!!

搭的喎,話咁快就到左[紅蜻蜓]喇,

婆婆見我地到左好開心呀,係咁介紹個孫仔俾同事知,

好似小朋友咁!!

原來婆婆仲約埋may姨婆,一黎到,即抱住昊哲唔放喇;

早餐到左,昊哲雙眼仔就眼金金喇,咀仔唔駛講,不斷吞口水呢,

真係為食,唔俾佢食好似好衰咁,所以都俾左少少佢食!!

今日我仲約埋wingso見面,真係見一面咁大把,

咁岩佢約左人,我又要陪媽咪喎,

唯有下次再約啦,有好多野想請教佢呢!!

雖然見面時間短,但佢都好有心機,

一早起身整拌手禮,仲俾一大袋我,

真係多謝哂呀!!

入面有牛油曲奇啦,芝士包啦,白麵包啦,千層蛋糕啦,

樣樣都好好味,返到home俾左d阿姨佢地食,

佢地都話good呀!!

hee~~我最like係食千層蛋糕,昊哲就食白麵包,cobi就食曲奇!!

lee 3張相,係襯婆婆去買餸時影架,

睇下佢坐得幾咁粗魯吖!!

原來婆婆約左人打牌呀,真係激c我喇,

仲諗住同佢一齊行下街街架嘛!!

算啦,睇佢抱昊哲打牌,都幾攪笑,

昊哲真係坐到定一定,又睇到實一實,唔知仲以為佢識得打同埋有份tim啵!!

3點一到,就走喇,要返入屯門接cobi放學呢,

走前猶疑拎唔拎返架bb車走好呢,

lee架輕便過home果架喎,咁岩星期日出圓方聚會,

最後都係選擇拎返去!!

原來都幾辛苦下,一個人又要揹住個仔,

又揹手袋,再拎一袋野,再加拎架車仔tim,

真係要俾個服字自己先得!!

有一點真係失察左,唔記得餵餐奶先走,

昊哲上左bus,就扭喇,搭73x時都好d,瞓左,

點知轉58m後,開始攪佢唔掂,麵包已經滿足唔到佢,

係咁同自己講,好快就到好快就到......

老公係巴士站等,終於捱到落車,全程昊哲雖扭,但都ok無大喊,

再俾個服字自己先得!!