08.11.12(3)

一早一個人

返大埔

因有d野要返大埔攪,

就一早返左去,今日先知阿媽轉返收10點半,

好在都唔係遲好多啫!!

整好左野之後,就同媽咪去左新街市到食早餐,

都好耐無上過去食喇,

即去張瑍記叫返杯凍央先,

之後就去左另一間叫野食,但唔記得左叫咩名..hee~~

媽咪叫左車仔麵,勁多料咁,

我就食艇仔粥..呵呵..好足料,都只係賣$14咋!!

今餐係蕉太請,佢話難得見到我..

呃..真係呀!!

食飽後,去左睇褲仔啦,

點知都係無收穫,揀唔岩!!

返左一轉屋企,就行出大埔墟買下野,

首先係去返新街市買魚肉,諗住整阿媽教既蓮藕餅,

媽咪話出面食好貴架,自己整最平;

再去2蚊店,買左幾隻pooh pooh膠碟!

之後就返屯門lu!!

琴日去左堔圳一日遊,今日又一早返左大埔,

唔係d野急住都唔返去,

成個人散哂喇,超攰!!

好在今日老公睇住阿仔,唔係一定仲散到執唔返!!

係等媽咪時,有1男1女行黎問我.

可唔可以用十蚊買梳蕉俾公園既公公婆婆食,

當時真係r哂頭,又驚係俾人呃,

佢地話係義工,玩緊個遊戲,所以先至咁做;

問佢地有無義工證,又話無喎,佢地不斷咁講唔該唔該,

就心軟喇,俾十蚊佢地自己買,又唔得喎,

話一定要我買左先至得,話錢唔可以過佢地手,

真係..有d後悔tim!!

之後攪掂左喇,阿媽亦都黎到,經過公園時,

又真係有成班人喎,而問過我既1男1女,係到派蕉俾公公婆婆,

哈哈..原來真係做左善事,無俾人呃到!!