今日煲左川貝海底椰,點知黎生5點幾一個tel打黎,

就話今日煞科,公司請食飯,我地3個就變成左孤兒!!

原先都諗定左今晚食咖哩薯仔雞奕,哼....唔駛煮仲好,出街食!!

接cobi放學前,就去左買3個迷你腸仔飽,佢就食2個,昊哲食左差唔多一個,

之後就去來多客,叫2個茶餐食(好在當時未夠6點),

一碟生炒牛肉飯,3個人分,比例上昊哲好似食得多過cobi,佢再飲左2支水,勁!!

一碟8條多春魚,得我同cobi分,佢就食左小半碗飯,加3條多春魚,

再飲左一杯柯華田,當然最後係飲唔哂!!

估唔到佢之後,話返到home要再食燒賣,嚇到我即話"唔係嘛?"

佢醒起答"係喎,我會嘔架喎!!(一食得太飽就會嘔..唉!!)

聽日開始,老公又要搵工,我可以襯lee個時間,佢睇仔,我去cut hair & 染髮,再加做負離子喇!!

不過聽朝第一件事係同昊哲睇醫生先,cobi又傳染左俾佢,d鼻水係咁流!!